ଭୋପାଳ,୨।୩: ମଧ୍ୟପ୍ରଦେଶର ଖଣ୍ଡଓ୍ବାର ଭାଜପା ଏମ୍ପି ନନ୍ଦକୁମାର ସିଂ ଚୌହ୍ବାନଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୬୮ ବର୍ଷ ବୟସ ହୋଇଥିଲା।୧ ୧ ଜାନୁୟାରୀରେ ତାଙ୍କ ନମୁନା ପରୀକ୍ଷା ରିପୋର୍ଟ କରୋନା ପଜିଟିଭ୍ ଆସିବା ପରେ ଭୋପାଳ ହସ୍ପିଟାଲରେ ସେ ଚିକିତ୍ସିତ ହେଉଥିଲେ। ତେବେ ଅବସ୍ଥା ସଙ୍କଟ ଜନକ ହେବାରୁ ତାଙ୍କୁ ଦିଲ୍ଲୀର ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କ ମୃତ୍ୟୁରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ବାନ ଶୋକ ପ୍ରକାଶ କରିଛନ୍ତି। ୧୯୫୨ ସେପ୍ଟେମ୍ବର ୮ରେ ନନ୍ଦକୁମାରଙ୍କ ଜନ୍ମ ଖଣ୍ଡଓ୍ବା ଜିଲାର ଶାହପୁରଠାରେ ହୋଇଥିଲା। ଶାହପୁର ନଗର ପରିଷଦ ଅଧ୍ୟକ୍ଷ ଭାବେ ସେ ନିଜର ରାଜନୈତିକ ଜୀବନ ଆରମ୍ଭ କରିଥିଲେ। ୧୯୭୮-୮୦ ଏବଂ ୧୯୮୩-୮୭ ପର୍ଯ୍ୟନ୍ତ ସେ ଶାହପୁର ନଗର ଅଧ୍ୟକ୍ଷ ଭାବ ସଫଳତାର ସହିତ ଦାୟିତ୍ୱ ନିର୍ବାହ କରିଥିଲେ। ୧୯୯୬ରେ ସେ ପ୍ରଥମ ଥର ପାଇଁ ଖଣ୍ଡଓ୍ବା ଲୋକ ସଭା ଆସନରୁ ବିଜୟୀ ହୋଇଥିଲେ। ଏହାପରେ ୧୯୯୮ରେ ଦ୍ୱିତୀୟ ଥରପାଇଁ ଲୋକ ସଭାକୁ ନିର୍ବାଚିତ ହୋଇଥିଲେ। ୨୦୧୯ରେ ସେ ଷଷ୍ଠଥର ପାଇଁ ଲୋକ ସଭାକୁ ନିର୍ବାଚିତ ହୋଇଥିଲେ।
