ଭୁବନେଶ୍ୱର,୧୧ା୨: ଓଡ଼ିଶା ସାହିତ୍ୟ ଏକାଡେମୀର ପୂର୍ବତନ ସଭାପତି ତଥା ବିଶିଷ୍ଟ ସାହିତି୍ୟକ ସାତକଡ଼ି ହୋତାଙ୍କ ରବିବାର ପରଲୋକ ହୋଇଯାଇଛି। ମୃତ୍ୟୁବେଳକୁ ତାଙ୍କୁ ୯୫ ବର୍ଷ ବୟସ ହୋଇଥିଲା। ଭୁବନେଶ୍ୱରରେ ତାଙ୍କର ଦେହାନ୍ତ ହୋଇଛି।
ସୂଚନାଯୋଗ୍ୟ, ସେ ଓଡ଼ିଆରେ ସାମାଜିକ ଚେତନାର ଜଣେ ବରିଷ୍ଠ କାହାଣୀକାର। ୧୬ଟି ଉପନ୍ୟାସ, ୧୬ଟି କାହାଣୀ ସଂଗ୍ରହ ଏବଂ ଗୋଟିଏ କବିତା ସଂଗ୍ରହ ପ୍ରକାଶ କରିଛନ୍ତି। ଫିଲ୍ମ ‘ଆର୍ଯ୍ୟ ରୋଦନ’ର ଶ୍ରେଷ୍ଠ କାହାଣୀ-ଲେଖା ପାଇଁ ଓଡ଼ିଶା ସାହିତ୍ୟ ଏକାଡେମୀ ଦ୍ୱାରା ପୁରସ୍କୃତ ହୋଇଥିଲେ। ସେ ଅନେକ ସାହିତି୍ୟକ, ସାମାଜିକ, ଅର୍ଥନୈତିକ ଏବଂ ବୈଷୟିକ ସଂଗଠନର ସଦସ୍ୟ ରହିଆସିଥିଲେ। ସେ ସାହିତ୍ୟ ଏକାଡେମୀ ଦିଲ୍ଲୀର ଓଡ଼ିଆ ପରାମର୍ଶଦାତା ବୋର୍ଡର ସଦସ୍ୟ ଥିଲେ। ଦକ୍ଷିଣ ପୂର୍ବତଟ ରେଳ ବିଭାଗର ଜେନେରାଲ ମ୍ୟାନେଜର ପଦରୁ ଅବସର ନେବା ପରେ ଓଡ଼ିଆ ଖବର କାଗଜ ‘ସମୟ’ର ସମ୍ପାଦକ ମଧ୍ୟ ଥିଲେ।