କୋକସରା,୨ା୧୧(ଡି.ଏନ୍.ଏ.): ଦାଦନ ଖଟିବାକୁ ଯାଇ ପୁଣି ଜଣେ ଓଡ଼ିଆ ଯୁବକଙ୍କ ମୃତ୍ୟୁ ଘଟିଛି। ଟ୍ରାକ୍ଟର ଓଲଟିବା ଫଳରେ ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। କଳାହାଣ୍ଡି ଜିଲା କୋକସରା ଥାନା ମୂଷାପାଲି ପଞ୍ଚାୟତ ବଗଡ଼ିଆ ପଡ଼ାର ଜୟଲାଲ ରାଉତଙ୍କ ବଡ଼ ପୁଅ ଚନ୍ଦ୍ରମଣି (୨୭) ହାଇଦ୍ରାବାଦର ନିଜାମବାଦକୁ ରବିବାର ଦାଦନ ଖଟିବାକୁ ଯାଇଥିଲେ। ହେଲେ ଯିବାର ୨ ଦିନ ପରେ ଟ୍ରାକ୍ଟରରେ ଚାପି ହୋଇ ମୃତ୍ୟୁ ହୋଇଥିବା ଜଣାପଡ଼ିଛି। ତେବେ ଚନ୍ଦ୍ରମଣିଙ୍କ ମୃତଦେହ ଗାଁରେ ପହଞ୍ଚିନାହିଁ। ମୃତଦେହ ଆଣିବାକୁ ପରିବାର ଲୋକେ ବୁଧବାର ନିଜାମାବାଦ ଯାଇଥିବା ସୂଚନା ମିଳିଛି।