ଟୋକିଓ,୧୩ା୩: ୧୯୯୪ରେ ସାହିତ୍ୟରେ ନୋବେଲ ପୁରସ୍କାର ପାଇଥିବା ଜାପାନର କେଞ୍ଜାବୁରୋ ଓଏଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୮୮ବର୍ଷ ହୋଇଥିଲା। ନୋବେଲ ପାଇବାରେ ସେ ଦ୍ୱିତୀୟ ଜାପାନୀ ସାହିତି୍ୟକ। ଆଣବିକ ଅସ୍ତ୍ର ବିରୋଧରେ କହିଆସୁଥିବା ଶାନ୍ତି କର୍ମୀ କେଞ୍ଜାବୁରୋଙ୍କର ୩ତାରିଖରେ ଦେହାନ୍ତ ହୋଇଥିବା ତାଙ୍କର ପ୍ରକାଶନ ସଂସ୍ଥା କୋଡାନ୍ସା ଲିଃ ପକ୍ଷରୁ ସୋମବାର କୁହାଯାଇଛି। ସେ ଜାପାନର ଯୁଦ୍ଧ ପରବର୍ତ୍ତୀ ବୃତ୍ତିକୁ ନେଇ ତାଙ୍କର ପିଲାଦିନର ସ୍ମୃତିକୁ ନେଇ ଗଦ୍ୟାତ୍ମକ ଉପନ୍ୟାସ ରଚନା କରିଥିଲେ। ୧୯୬୩ରେ ତାଙ୍କର ମାନସିକ ଭିନ୍ନକ୍ଷମ ପୁଅ ଜନ୍ମ ହେବା ପରେ ସେ ନିଜ ଅନୁଭୂତିକୁ ନେଇ ସାହିତ୍ୟ ରଚନା କରିଥିଲେ।