ଜୟପୁର,୩୧।୧୨: ଦେଶରେ କରୋନାର ନୂଆ ଭାରିଆଣ୍ଟ ଓମିକ୍ରନ ଏବେ ଆତଙ୍କ ଖେଳାଇଛି। ଏବେ ଦେଶରେ ଓମିକ୍ରନ ମାମଲା ୧ ହଜାର ଟପିଛି। ଓମିକ୍ରନରେ ଦେଶରେ ଦ୍ୱିତୀୟ ବ୍ୟକ୍ତିଙ୍କ ମୃତ୍ୟୁ ଘଟିଛି। ରାଜସ୍ଥାନରେ ଜଣେ ଓମିକ୍ରନ ସଂକ୍ରମିତ ବ୍ୟକ୍ତି ପ୍ରାଣ ହରାଇଛନ୍ତି। ଏହାପୂର୍ବରୁ, ନାଇଜେରିଆରୁ ଫେରିଥିବା ଜଣେ ବ୍ୟକ୍ତି ମଧ୍ୟ ମହାରାଷ୍ଟ୍ରରେ ଓମିକ୍ରନରେ ମୃତ୍ୟୁବରଣ କରିଥିଲେ। ଏବେ ରାଜସ୍ଥାନର ଉଦୟପୁରରୁ ଜଣେ ୭୩ ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ନିଶ୍ଚିତ ହୋଇଛି। ମୃତ ବ୍ୟକ୍ତି ଜଣଙ୍କ କରୋନାର ଉଭୟର ଡୋଜ୍ ଟିକା ନେଇଥିଲେ। ଏହାସହ ମୃତ୍ୟୁ ପୂର୍ବରୁ ତାଙ୍କର କରୋନା ରିପୋର୍ଟ ୨ଥର ନେଗେଟିଭ୍ ଆସିଥିଲା।