ନୂଆପଡ଼ା ଅଫିସ,୪।୪: ନୂଆପଡା ଜିଲା ସଦର ମହକୁମାସ୍ଥିତ ଏକତା ଛକଠାରେ ସୋମବାର ସକାଳେ ଏକ ଅଭାବନୀୟ ଘଟଣା ଘଟି ଯାଇଛି। ଏକ ଘରୋଇ ବସ୍ କର୍ମଚାରୀଙ୍କ ଖାମଖିଆଲି ମନୋଭାବ ଯୋଗୁ ଜଣେ ଯାତ୍ରୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ମୃତକ ହେଲେ ବରଗଡ ଜିଲା ପାଇକମାଲ ଥାନା ଛେତେଙ୍ଗା ଗ୍ରାମର ମହେନ୍ଦ୍ର ପଟେଲ (୩୪)। ପ୍ରାପ୍ତ ସୂଚନା ମୁତାବକ ଏକ ଘରୋଇ ବସ୍ ଯୋଗେ ମହେନ୍ଦ୍ର କୌଣସି କାମରେ ଭୋର ସକାଳୁ ରାୟପୁର ଯାଉଥିଲେ। ନୂଆପଡା ପହଞ୍ଚତ୍ବା ପୂର୍ବରୁ ବରତୁଣ୍ଡା ନିକଟରେ ସେ ଅସୁସ୍ଥ ଅନୁଭବ କରିଥିଲେ। ତାଙ୍କ ସହିତ ସିଟରେ ବସିଥିବା ଜଣେ ବ୍ୟକ୍ତି ବସ୍ କର୍ମଚାରୀଙ୍କୁ ଜଣାଇଥିଲେ। ହେଲେ ବସ କର୍ମଚାରୀ ନୂଆପଡାରେ ଓହ୍ଲାଇବାକୁ ଦେବୁ ବୋଲି କହିଥିଲେ। ନୂଆପଡା ଏକତା ଛକରେ ଛାଡି ପଲାଇ ଯାଇଥିଲେ। ସେଠାରେ ମହେନ୍ଦ୍ର ଛଟପଟ ହୋଇ ପ୍ରାୟ ଅଧା ଘଣ୍ଟା ପଡି ରହିବା ପରେ ଚେତାଶୂନ୍ୟ ହୋଇ ଯାଇଥିଇଲେ। ନୂଆପଡା ଥାନା ପୋଲିସ ଖବର ପାଇ ମହେନ୍ଦ୍ରଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏକତା ଛକଠାରୁ ଜିଲା ମୁଖ୍ୟ ଚିକିତ୍ସାଳୟ ମାତ୍ର ୧୦୦ ମିଟର ଦୂର। ବସ୍ କର୍ମଚାରୀ ଚାହିଁଥିଲେ ଚିକିତ୍ସାଳୟକୁ ପହଞ୍ଚାଇ ପାରିଥାନ୍ତା ଏବଂ ଏକ ଜୀବନ ବଞ୍ଚତ୍ୟାଇ ପାରିଥାନ୍ତା ବୋଲି ସାଧାରଣରେ ଆଲୋଚନା ହେଉଛି। ସରକାରଙ୍କ ନିୟମ ଅନୁସାରେ ଘରୋଇ ବସ ମାଲିକମାନେ ଚଲାଉ ନାହାନ୍ତି। ବସ୍ରେ କୌଣସି ସୁବିଧା ନାହିଁ। ନିଜ ମନମୁତାବକ ଚଲାଉଛନ୍ତି ବୋଲି ସାଧାରଣରେ ଅଭିଯୋଗ ହେଉଛି।