ଓ୍ବାଶିଂଟନ,୨୭।୮ : ୧୧ ସେପ୍ଟେମ୍ବର ୨୦୦୧ ରେ ଆମେରିକାରେ ହୋଇଥିବା ଆତଙ୍କବାଦୀ ଆକ୍ରମଣରେ ପ୍ରାୟ ୩୦୦୦ଲୋକଙ୍କର ମୃତ୍ୟୁ ଘଟିଥିଲା। ଏହି ଆତଙ୍କବାଦୀ ଆକ୍ରମଣର ଷଡଯନ୍ତ୍ରକାରୀଙ୍କ ମୃତ୍ୟୁଦଣ୍ଡକୁ କ୍ଷମା କରିଦିଆଯାଇପାରେ। ଏନେଈ ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି। ସରକାର ପ୍ରତାରଣା କରିଥିବା ଲୋକେ ଅନୁଭବ କରୁଛନ୍ତି।
ବାସ୍ତବରେ ଏହି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଏବଂ ପ୍ରତିରକ୍ଷା ମଧ୍ୟରେ ଏକ ଚୁକ୍ତିନାମା ହୋଇଛି ଯେଉଁଥିରେ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ଖାଲିଦ ଶେଖ ମହମ୍ମଦ ଏବଂ ଅନ୍ୟ ଚାରିଜଣ ଷଡଯନ୍ତ୍ରକାରୀ ନିଜ ଅପରାଧ ସ୍ବୀକାର କଲେ ମୃତ୍ୟୁଦଣ୍ଡ ଦିଆଯିବ ନାହିଁ। ଏହି ଆକ୍ରମଣରେ ପ୍ରାଣ ହରାଇଥିବା ପରିବାରବର୍ଗଙ୍କୁ ମଧ୍ୟ ପେଣ୍ଟାଗନ ଏକ ଚିଠି ଲେଖିଛି।
ଏହି ଚିଠି ପରେ ଅନେକ ପୀଡିତଙ୍କର ସମ୍ପର୍କୀୟ ଅସନ୍ତୋଷ ବ୍ୟକ୍ତ କରିଛନ୍ତି। ଲୋକେ କହିଛନ୍ତି ସେମାନଙ୍କୁ ପ୍ରତିଶ୍ରୁତି ଦିଆଯାଇଥିଲା ଆତଙ୍କବାଦୀଙ୍କୁ କଠୋର ଦଣ୍ଡ ଦିଆଯିବ। ମାତ୍ର ହୋଇଥିବା ନୂତନ ଚୁକ୍ତିନାମା ଯୋଗୁ ଏହି ମାମଲା ବିନା ବିଚାରରେ ଶେଷ ହେବ ଏବଂ ସେପ୍ଟେମ୍ବର ୧୧ ଆତଙ୍କବାଦୀ ଆକ୍ରମଣର ସତ୍ୟତା କେବେ ପ୍ରକାଶ ପାଇବ ନାହିଁ।