ନୂଆଦିଲ୍ଲୀ,୨୦।୧୧: ଗୁଜରାଟ ବିଧାନସଭା ଏବଂ ଦିଲ୍ଲୀ ଏମସିଡି ନିର୍ବାଚନ ମଧ୍ୟରେ ପୂର୍ବତନ ଆମ୍ ଆଦ୍ମୀ ପାର୍ଟି ନେତା ତଥା କବି କୁମାର ବିଶ୍ୱାସଙ୍କୁ ହତ୍ୟା ଧମକ ମିଳିଛି। ଏଥିସହ ତାଙ୍କୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରେ କୌଣସି ମନ୍ତବ୍ୟ ନଦେବାକୁ ଚେତାବନୀ ଦିଆଯାଇଛି। ଇ-ମେଲ ମାଧ୍ୟମରେ ଏହି ଧମକ ଦିଆଯାଉଛି ବୋଲି କୁମାର ବିଶ୍ୱାସଙ୍କ ମ୍ୟାନେଜର କହିଛନ୍ତି।
କୁମାର ବିଶ୍ୱାସଙ୍କ ମ୍ୟାନେଜର ପ୍ରବୀଣ ପାଣ୍ଡେ କହିଛନ୍ତି, କିଛି ଦିନ ହେବ ଇ-ମେଲ ମାଧ୍ୟମରେ ଜଣେ ବ୍ୟକ୍ତିଙ୍କଠାରୁ ଧମକ ଆସୁଛି। ଇମେଲ କରିଥିବା ବ୍ୟକ୍ତି ପ୍ରଭୁ ରାମଙ୍କ ବିଷୟରେ ଅତ୍ୟନ୍ତ ଅପମାନଜନକ କଥା କହି ତାଙ୍କ ମହିମା ଗାନ ନ କରିବାକୁ କହିଛନ୍ତି। ଆହୁରି ମଧ୍ୟ ଧମକ ଦେଉଥିବା ବ୍ୟକ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ କୁମାର ବିଶ୍ୱାସଙ୍କ ଅପେକ୍ଷା ଭଲ ବୋଲି କହି ତାଙ୍କ ଉପରେ କୌଣସି ମନ୍ତବ୍ୟ ନ ଦେବାକୁ ଚେତାବନୀ ଦେଇଛନ୍ତି। ଏହାସହ ଶହୀଦ ଉଧମ ସିଂଙ୍କ ନିକଟରେ ଶପଥ କରି କହୁଛି ମୁଁ କୁମାର ବିଶ୍ୱାସଙ୍କୁ ହତ୍ୟା କରିବି ବୋଲି ବ୍ୟକ୍ତି ଜଣଙ୍କ କହିଛନ୍ତି।
ଏହି ପରିପ୍ରେକ୍ଷୀରେ, ଗୃହ ମନ୍ତ୍ରଣାଳୟ ଦ୍ୱାରା ଦିଆଯାଇଥିବା ସୁରକ୍ଷା ଏଜେନ୍ସିକୁ କୁମାର ବିଶ୍ୱାସଙ୍କ କାର୍ଯ୍ୟାଳୟରୁ ଆସିଥିବା ଇମେଲ ବିଷୟରେ ସୂଚନା ମଧ୍ୟ ଦିଆଯାଇଛି।
अब उन्हें और उनके चिंटुओं मेरे द्वारा मेरे राघवेंद्र सरकार राम का महिमामंडन करना पसंद नहीं।कह रहे हैं “मार देगें” 😲 ये सब ठीक है पर अपने चिंटुओं को बोलो मर्यादा पुरुषोत्तम भगवान राम को गाली न बकें। अपना काम करो नहीं तो याद रखो रावण तक का वंश नहीं बचा ,तुम ऐसे कौन लवणासुर हो ?😊 pic.twitter.com/rZKdvYZce0
— Dr Kumar Vishvas (@DrKumarVishwas) November 20, 2022
