ଜେନେଭା,୧୨।୨ :ତୁର୍କୀ ଏବଂ ସିରିଆରେ ହୋଇଥିବା ଭୂକମ୍ପ ବିନାଶ ସମଗ୍ର ବିଶ୍ୱରେ ଲୋକଙ୍କୁ ବ୍ୟଥିତ କରିଛି। ଏହି ଭୂକମ୍ପରେ ଏପର୍ଯ୍ୟନ୍ତ ୨୮ହଜାରରୁ ଅଧିକ ଲୋକଙ୍କ ମୃତ୍ୟୁ ଘଟିଛି। ଜାତିସଂଘର ରିଲିଫ ମୁଖ୍ୟ ମାର୍ଟିନ ଗ୍ରିଫିଥସଙ୍କ ଦ୍ୱାରା ପ୍ରକାଶିତ ଆଶଙ୍କା ଅଧିକ ହୃଦୟ ବିଦାରକ ହୋଇଛି। ମାର୍ଟିନ ଗ୍ରିଫିଥସ କହିଛନ୍ତି ଯେ ଏହି ଭୟଙ୍କର ଭୂମିକମ୍ପରେ ୫୦ ହଜାରରୁ ଅଧିକ ଲୋକଙ୍କର ମୃତ୍ୟୁ ଘଟିଥିବା ଆଶଙ୍କା ରହିଛି।
ସେ କହିଛନ୍ତି ଯେ ପ୍ରକୃତରେ ମୁଁ ମୃତକଙ୍କ ସଂଖ୍ୟା ଗଣିବା ଆରମ୍ଭ କରି ନାହିଁ କିନ୍ତୁ ଧ୍ୱଂସସ୍ତୁପକୁ ଦେଖି ଏହା ସ୍ପଷ୍ଟ ଯେ ଏହି ମୃତକଙ୍କ ସଂଖ୍ୟା ୫୦ ହଜାରରୁ ଅଧିକ ହୋଇପାରେ। ସେ କହିଛନ୍ତି ଯେ ଶୀଘ୍ର ଅନୁସନ୍ଧାନ ଏବଂ ଉଦ୍ଧାର କାର୍ଯ୍ୟ ମାନବିକ ଏଜେନ୍ସି ପାଇଁ ରାସ୍ତା ତିଆରି କରିବ।
ଏହି ଭୂକମ୍ପରେ ସରକାରୀ ମୃତ୍ୟୁ ସଂଖ୍ୟା ତୁର୍କୀରେ ୨୪,୬୧୭ ଏବଂ ସିରିଆରେ ୩,୫୭୪ ରହିଛି। ହଜାର ହଜାର ଉଦ୍ଧାର କର୍ମଚାରୀ ଅଳିଆ ଗଦାରେ ଲୋକଙ୍କୁ ଖୋଜୁଛନ୍ତି। ମିଳିତ ଜାତିସଂଘ ପୂର୍ବରୁ ଚେତାବନୀ ଦେଇଥିଲା ଯେ ତୁର୍କୀ ଏବଂ ସିରିଆରେ ଅତି କମରେ ୮ ଲକ୍ଷ ୭୦ ହଜାର ଲୋକ ଲୋକ ଗରମ ଖାଦ୍ୟର ଆବଶ୍ୟକତା କରୁଛନ୍ତି ଏବଂ କେବଳ ସିରିଆରେ ୫ ଲକ୍ଷ ୩୦ ହଜାର ଲୋକ ବାସ ହରାଇଛନ୍ତି।