ଜୟପୁର, ୨୮।୭: ରାଜସ୍ଥାନର ଜୟପୁରରେ ଜଣେ ନାବାଳକ ତା’ର ଜଣେ ସାଙ୍ଗକୁ ଗୁଳି କରି ହତ୍ୟା କରିଛି। ଏହାପରେ ଯେତେବେଳେ ଅଭିଯୁକ୍ତ ନାବାଳକର ସୋସିଆଲ ମିଡିଆ ଆକଉଣ୍ଟ ଚେକ୍ କରାଯାଇଥିଲା। ଏହି ସମୟରେ ଚକିତ କଲାଭଳି କିଛି ପୋଷ୍ଟ ପୋଲିସ ଦେଖିବାକୁ ପାଇଥିଲା। ନାବାଳକ ଜଣଙ୍କ ଏଥିରେ ଲେଖିଥିଲେ, ‘କାଗଜ କଲମରେ କୋର୍ଟ ଚାଲିଥାଏ। କିନ୍ତୁ ମୁଁ ଫୈସଲା ଅନ୍ ଦି ସ୍ପଟ୍ କରିଥାଏ।’ ଏହି ଘଟଣାଟି ଭରତପୁର ପୋଲିସ ଷ୍ଟେସନ ଅନ୍ତର୍ଗତ ମଥୁରା ଗେଟ୍ ନିକଟରେ ଘଟିଛି। ୧୫ ବର୍ଷୀୟ ଜଣେ ନାବାଳକ ତା’ର ୧୨ ବର୍ଷୀୟ ସାଙ୍ଗକୁ ଗୁଳି କରି ହତ୍ୟା କରିଛି। ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି ଯେ ଉଭୟ ନାବାଳକ ପରସ୍ପରକୁ ଜାଣିଥିଲେ। ଉଭୟ ଖେଳୁଥିବାବେଳେ ଏହି ଅଘଟଣ ଘଟିଥିଲା। ଅଭିଯୁକ୍ତ ଜଣଙ୍କ ତାଙ୍କ ଘରୁ ଏକ ଦେଶୀ ବନ୍ଧୁକ ଆଣି ତା’ର ସାଙ୍ଗକୁ ଗୁଳି କରିଥିବା ଜଣାପଡ଼ିଛି। ଗୁଳିଟି ୧୨ ବର୍ଷୀୟ ବାଳକର ମୁଣ୍ଡରେ ବାଜିଥିବାବେଳେ ଘଟଣାସ୍ଥଳରେ ହିଁ ପ୍ରାଣବାୟୁ ଚାଲିଯାଇଥିଲା। ପୋଲିସ ଘଟଣାର ତଦନ୍ତ ଚଳାଇଥିବା ଜଣାପଡ଼ିଛି।
