ସ୍ବାଧୀନତା ଦିବସ ଅବସରରେ ମନରେ ଜାତୀୟତା ଭାବ ଆଣିବା ପାଇଁ କିଏ ଟ୍ରାଇ କଲର୍ ଥିମ୍ ବାଲା ପୋଷାକ ପରିଧାନ କରନ୍ତି ତ ଆଉ କିଏ ଟ୍ରାଇ କଲର୍ର ବିଭିନ୍ନ ଫ୍ୟାଶନ ଆସେସରିଜ୍କୁ ବ୍ୟବହାର କରିଥାନ୍ତି। କିନ୍ତୁ ଆପଣ ଚାହିଁଲେ ଏହି ବିଶେଷ ଦିବସ ଅବସରରେ ଘରର ସାଜସଜ୍ଜାରେ କିଛିଟା ପରିବର୍ତ୍ତନ ଆଣି ଘରକୁ ଭିନ୍ନ ଲୁକ୍ ଦେବା ସହ ଘରର ସଦସ୍ୟଙ୍କ ମନରେ ଦେଶପ୍ରୀତିର ଭାବନା ସୃଷ୍ଟି କରିପାରିବେ। ଯେମିତିକି…
* ଯଦି ଆପଣଙ୍କ ଘରେ ଅଦରକାରୀ ଭାବେ ମିଲ୍କସେକ୍ ମଗ୍ କିମ୍ବା କୁକିଜ୍ ଜାର୍ ଅଛି, ତେବେ ତାହାକୁ ଭଲ ଭାବେ ସଫାକରି ତ୍ରିରଙ୍ଗା ରଙ୍ଗରେ ପେଣ୍ଟିଂ କରି ସେଥିରେ ଫୁଲ ରଖି ଘରକୁ ସଜାଇପାରିବେ।
* ତ୍ରିରଙ୍ଗାର ତିନି ରଙ୍ଗକୁ ମ୍ୟାଚ୍ କଲା ଭଳି ଭିନ୍ନ ଭିନ୍ନ ରଙ୍ଗୀନ କାଗଜ ଆଣି ସେଥିରେ ବିଭିନ୍ନ ଡିଜାଇନ୍ ଫୁଲ ହେଉ ଅବା ପ୍ରଜାପତି ଶେପ୍ର କାଟି ତାହାକୁ କାନ୍ଥରେ ଟାଙ୍ଗି ମଧ୍ୟ ଘରକୁ ଭିନ୍ନ ଳୁକ୍ ଦେଇପାରିବେ।
* ପିଲାମାନଙ୍କର ଷ୍ଟଡି ଟେବୁଲ୍କୁ ଡେକୋରେଟ୍ କରିବା ସହ ତାଙ୍କ ମନରେ ତ୍ରିରଙ୍ଗା ପ୍ରତି ସମ୍ମାନ ବୃଦ୍ଧି କରିବାକୁ ଚାହୁଁଥିଲେ, ତାଙ୍କ ଷ୍ଟଡି ଟେବୁଲ୍ ପାଖରେ ଛୋଟ ଛୋଟ ତ୍ରିରଙ୍ଗାର ଚିତ୍ର ଲଗାଇପାରିବେ।
* ତ୍ରିରଙ୍ଗାର ତିନୋଟି ରଙ୍ଗକୁ ମ୍ୟାଚ୍ କଲା ଭଳି ବେଲୁନ୍ କିଣି ମଧ୍ୟ ଘରକୁ ସଜାଇବା ଏକ ସହଜ ଆଉ ସୁନ୍ଦର ଆଇଡିଆ।
*ବେଡ୍ରୁମ୍ର ସାଜସଜ୍ଜା ପାଇଁ ଆପଣ ଚାହିଁଲେ ନାରଙ୍ଗୀ, ଧଳା ତଥା ସବୁଜ ରଙ୍ଗର ଡୋର୍ ସ୍କ୍ରିନ୍ ଲଗାଇ ମଧ୍ୟ ରୁମ୍କୁ ଡେକୋରେଟ୍ କରିପାରିବେ।
* ସେହିପରି ଡ୍ରଇଂ ରୁମ୍ରେ ଥିବା ସୋଫା ହେଉ ଅବା କୁସନ୍ ପାଇଁ ତ୍ରିରଙ୍ଗା ରଙ୍ଗକୁ ମ୍ୟାଚ୍ କଲା ଭଳି ଭିନ୍ନ ଭିନ୍ନ ରଙ୍ଗର କଭର୍ କିଣି ମଧ୍ୟ ତାହାକୁ ଭିନ୍ନ ଲୁକ୍ ଦେଇପାରିବେ।
* ଛତାଦ୍ୱାରା ବି ଘରକୁ ସଜାଇହେବ। ନାରଙ୍ଗୀ, ଧଳା ଆଉ ସବୁଜ ରଙ୍ଗର କେତୋଟି ଛତା ଆଣି ତାହାକୁ ଘରର ବିଭିନ୍ନ ସ୍ଥାନରେ ଷ୍ଟାଇଲିଶ୍ ଭାବେ ଟଙ୍ଗାଇ ଘରକୁ ଭିନ୍ନ ଲୁକ୍ ଦେଇପାରିବେ।
* ଅନ୍ୟପକ୍ଷେ ଡାଇନିଂ ଟେବୁଲକୁ ମଧ୍ୟ ଟ୍ରାଇ କଲର୍ ଥିମ୍ର ସାଲାଡ୍ ଦ୍ୱାରା ସଜାଇ ଆଟ୍ରାକ୍ଟିଭ୍ ଲୁକ୍ ଦେଇପାରିବେ।
* ଇଣ୍ଡୋର୍ ପ୍ଲାଣ୍ଟର ସଠିକ୍ ଯତ୍ନ ନେଲେ ଘର ପ୍ରଦୂଷଣ ମୁକ୍ତ ରହିବା ସଙ୍ଗେସଙ୍ଗେ ଘରେ ସକାରାତ୍ମକ ଊର୍ଜ୍ଜା ବଢିଥାଏ। ଏହାସହିତ ଘରକୁ ଭିନ୍ନ ଲୁକ୍ ବି ମିଳିଥାଏ। ତେବେ ଏହି ସ୍ବାଧୀନତା ଦିବସ ଅବସରରେ ଆପଣ ଚାହିଁଲେ ଟ୍ରାଇ କଲର୍ ଥିମ୍ର ଫୁଲକୁଣ୍ଡ ଆଣି ତାହାକୁ ଫୁଲ ଦ୍ୱାରା ସଜାଇ ପାରିବେ ନଚେତ୍ ସେଥିରେ କିଛିଟା ଇଣ୍ଡୋର ପ୍ଲାଣ୍ଟ ବି ଲଗାଇପାରିବେ।
* ଏସବୁ ବ୍ୟତିତ ରଙ୍ଗୋଲୀ ଦ୍ୱାରା ବି ସ୍ବାଧୀନତା ଦିବସରେ ଘରକୁ ଆକର୍ଷଣୀୟ ଲୁକ୍ ଦେଇପାରିବେ। ଟ୍ରାଇ କଲର୍ ଥିମ୍ର ରଙ୍ଗୋଲୀରେ ଘରର ବିଭିନ୍ନ ସ୍ଥାନରେ ଖୁବ୍ ସୁନ୍ଦର ସୁନ୍ଦର ଝୋଟି କରି ଘରକୁ ସୁନ୍ଦର ଭାବେ ସଜାଇ ଆପଣ କାହାର ବି ମନ ସହଜରେ କିଣିପାରିବେ।