ଘର ସଜାଇବାକୁ ସମସ୍ତଙ୍କୁ ଭଲ ଲାଗେ। ଦୀପାବଳିରେ ଆପଣ ଘର ସଜାଉଥିଲେ ଏଥିରେ ରୋଷେଇ ଘରକୁ ସାମିଲ କରିବାକୁ ଭୁଲନ୍ତୁ ନାହିଁ..
ଆପଣ ନିଜ କିଚେନକୁ କ୍ଲାସିକ୍ କିମ୍ବା ଲାଇଟ୍ କଲରରେ ସଜାଇ ପାରିବେ। କିଚେନ୍ରେ ସୁନ୍ଦର କୋଟେସନ୍ ସହ କିଛି ପେଣ୍ଟିଙ୍ଗର ଫ୍ରେମ ଟାଙ୍ଗନ୍ତୁ। ଥାକମାନଙ୍କରେ କିଛି ରୁପା କିମ୍ବା ରୁପା ଭଳି ଦିଶୁଥିବା ସାମଗ୍ରୀ ରଖନ୍ତୁ। ଏହା ରୋଷେଇ ଘରକୁ ୟୁନିକ ଲୁକ୍ ଦେବ।
ଆପଣଙ୍କର ଯଦି ରୋଷେଇ ଘରକୁ କଲର୍ କରିବାକୁ ସମୟ ନାହିଁ ତେବେ ଆପଣ ଡ୍ରାପ୍ସ ଏବଂ ଫର୍ନିଚରକୁ ସଜାଇ ପାରିବେ। ଡ୍ରାପ୍ସ ଦ୍ୱାରା କିଚେନକୁ ଟ୍ରାଡିଶନାଲ ଲୁକ୍ ଦିଅନ୍ତୁ। ଏହାସହ ଫର୍ନିଚରକୁ ମଧ୍ୟ କଲର କରିପାରିବେ।
ରୋଷେଇ ଘରକୁ ସୁନ୍ଦର ଫୁଲରେ ସଜାଇ ପାରିବେ। ଝରକା ପାଖରେ ଫୁଲକୁଣ୍ଡ ରଖନ୍ତୁ। ଫୁଲ ବ୍ୟତୀତ ଫୁଲଦାନୀରେ ଅନ୍ୟ ଗଛ ରଖିଲେ ତାହା ନୂଆ ଲୁକ୍ ଦେଇପାରିବେ।
ବାସନ ଷ୍ଟାଣ୍ଡରେ ଅତିଥିମାନଙ୍କୁ ପରଷିବା ପାଇଁ ରଙ୍ଗବେରଙ୍ଗର ଶଙ୍ଖ ପ୍ଲେଟ୍ କିମ୍ବା ଡିଜାଇନର ଥାଳି, କପ୍ ଆଣି ସଜାଡି ରଖନ୍ତୁ।
ମର୍ଡନ କିଚେନ୍ ନ ଥିଲେ ରୋଷେଇ ଘର ସୁନ୍ଦର କରିବାକୁ କାଠର ବାସନ ଷ୍ଟାଣ୍ଡ ବା ଥାକ ଲଗେଇ ପାରିବେ। ଏହା ସହ ବିଭିନ୍ନ ଡିଜାଇନର ଟାଇଲ୍ ଲଗାଇଲେ ରୋଷେଇ ଘରର ସୁନ୍ଦରତା ବେଶି ବଢ଼ିବ ।
ରୋଷେଇ ଘରର ତାଜାରେ ଯଦି ଘରୋଇ ବ୍ୟବହାର୍ଯ୍ୟ ଜିନିଷ ଅସଜଡା ହୋଇ ପଡିଛି ତେବେ ତା’ ଉପରେ ପରଦା ଢାଙ୍କି ଦିଅନ୍ତୁ। ଏହା କଭର୍ ହୋଇ ରହିବା ସହ ଏଥିରେ ବେଶି ତେଲ ଆଉ ମଇଳା ଲାଗିବନି।
