ନୂଆଦିଲ୍ଲୀ: ନିକଟରେ ହୋଇଥିବା ଏକ ଅଧ୍ୟୟନ ମୋବାଇଲ ଫୋନ ବ୍ୟବହାର ଏବଂ ପୁରୁଷ ଶୁକ୍ରାଣୁ ସଂଖ୍ୟା ହ୍ରାସ ମଧ୍ୟରେ ସମ୍ଭାବ୍ୟ ଲିଙ୍କ୍କୁ ଅନୁଧ୍ୟାନ କରିଛି। ଗତ ଅର୍ଦ୍ଧଶତାବ୍ଦୀରେ ବିଶ୍ୱର ଶୁକ୍ରାଣୁ ସଂଖ୍ୟାରେ ୫୦ ପ୍ରତିଶତରୁ ଅଧିକ ହ୍ରାସ ଘଟିଥିବା ଦେଖାଯାଇଛି। ଯାହା ଅନୁସନ୍ଧାନକାରୀଙ୍କ ମଧ୍ୟରେ ଉଦ୍ବେଗ ସୃଷ୍ଟି କରିଛି। ୧୮ରୁ ୨୨ ବର୍ଷ ବୟସର ଯୁବକଙ୍କୁ ନେଇ ଏକ ଅଧ୍ୟୟନ କରାଯାଇଥିଲା। ଏଥିରେ ଯେଉଁମାନେ ଦିନକୁ ୨୦ରୁ ଅଧିକ ଥର ମୋବାଇଲ ବ୍ୟବହାର କରନ୍ତି, ସେମାନଙ୍କ ଶୁକ୍ରାଣୁ ସଂଖ୍ୟା କମ୍ ହେବାରେ ୨୧ ପ୍ରତିଶତ ଅଧିକ ବିପଦ ରହିଛି। ତେବେ ଯୁଗର ଆଧୁନିକତା ଯୋଗୁ ଏହା ଆଗକୁ ୨୧ ପ୍ରତିଶତରୁ ବୃଦ୍ଧି ପାଇ ୩୦ ପ୍ରତିଶତ ହେବାର ସମ୍ଭାବନା ରହିଛି। ପୂର୍ବରୁ ଓ ଏବେର ପାଠ୍ୟକ୍ରମରେ ଅନେକ ଅନ୍ତର ରହିଛି। ଏବେ ସବୁ ପାଠ୍ୟକ୍ରମରେ ଫୋନ ବ୍ୟବହାର ପଦ୍ଧତି ବୃଦ୍ଧିପାଇଛି। ୧୩ ବର୍ଷର ଅଧ୍ୟୟନ ଭିତରେ ଫୋନ ଟେକ୍ନୋଲୋଜି ବିକଶିତ ଓ ଉନ୍ନତ ହୋଇଛି, ଯାହା ଶୁକ୍ରାଣୁ ଗଣନା ଉପରେ ପ୍ରତିକୂଳ ପ୍ରଭାବ ଧୀରେ ଧୀରେ କମିଛି। ଶୁକ୍ରାଣୁ ସଂଖ୍ୟା ଗୁରୁତ୍ୱପୂର୍ଣ୍ଣ ହୋଇଥିଲେ ମଧ୍ୟ ତାଙ୍କ ଗତି, କ୍ଷମତା, ସୁସ୍ଥ, ଠିକ୍ ଆକୃତି ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଫର୍ଟିଲିଟି କ୍ଲିନିକ୍ସର ନେଟ୍ୱର୍କ କେୟାର ଫର୍ଟିଲିଟିର ମୁଖ୍ୟ ଏଲିସନ କ୍ୟାମ୍ପ୍ବେଲ କହିଛନ୍ତି। ଗର୍ଭଧାରଣ କରିବାକୁ ଚାହୁଁଥିବା କିମ୍ବା ସେମାନଙ୍କ ଶୁକ୍ରାଣୁ ସୁସ୍ଥରେ ପରିବର୍ତ୍ତନ ଆଣିବାକୁ ଚାହୁଁଥିବା ପୁରୁଷମାନେ ନିୟମିତ ବ୍ୟାୟାମ, ସନ୍ତୁଳିତ ଖାଦ୍ୟ, ଧୂମପାନରୁ ଦୂରେଇ ରହିବା, ମଦ୍ୟପାନକୁ ସୀମିତ ରଖିବା ଆଦି କ୍ଷେତ୍ରରେ ଧ୍ୟାନ ଦେବାକୁ ହେବ ବୋଲି କ୍ୟାମ୍ପ୍ବେଲ କହିଛନ୍ତି।
