ୱାଶିଂଟନ,୨୭ ।୬: ଫିଲିପିନ ସାଗରରେ ସମୁଦ୍ର ବୁଡାଳିଙ୍କୁ ବୁଡିଯାଇଥିବା ଜାହାଜର କିଛି ଅଂଶ ମିଳିଛି । ଜାହାଜ ‘ୟୁଏସଏସ ସୌମୁଅଲ ବି ରବର୍ଟସ’ର କିଛି ଭଙ୍ଗା ଅଂଶ ୨୩ ହଜାର ଫୁଟ(୬,୮୯୫ ମିଟର) ଗଭିରରେ ମିଳିଛି । ଏହି ଜାହାଜକୁ ‘ସୌମି ବି’ କୁହାଯାଏ । ତେବେ ବୁଡି ଯାଇଥିବା ଏହି ଜାହାଜକୁ ବୈଜ୍ଞାନିକମାନେ ଖୋଜି ବାହାର କରି ନାହାନ୍ତି । ଏହାକୁ ଟେକ୍ସାସର ଜଣେ ଅରବପତି ଭିକ୍ଟର ବେସ୍କୋଭା ଖୋଜି ବାହାର କରିଛନ୍ତି, ଯାହାଙ୍କ ନିକଟରେ ଏକ ଡିପ-ଡାଇଭିଂଗ ସବମର୍ସିବଲ ରହିଛି । ‘ସୌମି ଭି’ ଦୁଇଭାଗ ହୋଇଯାଇଥିବା ଅବସ୍ଥାରେ ମିଳିଛି । ଏବେ ପର୍ଯ୍ୟନ୍ତ ଖୋଜା ଯାଇଥିବା ଏହା ସବୁଠାରୁ ଗଭିରରେ ମିଳିଥିବା ଭଙ୍ଗା ଅଂଶ । ଏହା ପୂର୍ବରୁ ବେସ୍କୋଭା ଗତବର୍ଷ ୨୧,୨୨୩ ଫୁଟ ଗଭିରତାରେ ୟୁଏସଏସ ଜନଷ୍ଟନକୁ ଖୋଜିଥିଲେ । ଏହା ଶେଷକୁ ବଞ୍ଚି ରହିଥିବା ଆମେରିକା ଜାହଜ ମଧ୍ୟରୁ ଗୋଟିଏ । ଏହା ଜାପାନ ବିରୋଧରେ ନିଜର ବାହାଦୂରି ପାଇଁ ପରିଚିତ ଥିଲା । ବେସ୍କୋଭା ଟୁଇଟରରେ ଏକ ଭିଡିଓ ଶେୟାର କରି ଲେଖିଛନ୍ତି ସମୁଦ୍ର ତଳେ ‘ସୌମି ବି’କୁ ଦେଖିହେବ । ଲାଗୁଛି ସତେ ଯେମିତି ଏହାର ଆଉ ଏକ ଭାଗ ଖୁବ୍ ଦ୍ରୁତ ଗତିରେ ପିଟିହୋଇଥିବାରୁ ଏହା କ୍ଷତିଗ୍ରସ୍ତ ହୋଇଛି ।
