ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁ ଆତ୍ମହତ୍ୟା ମାମଲାରେ ଡ୍ରଗ୍ସ କନେକ୍ସନ ଆସିବା ପରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) ଅନେକ ଅଭିନେତ୍ରୀଙ୍କୁ ପଚରାଉଚରା କରୁଛି। ସାରା ଅଲି ଖାନ, ରକୁଲ ପ୍ରୀତ ସିଂ, ଶ୍ରଦ୍ଧା କପୁର ଏବଂ ଦୀପିକା ପାଦୁକୋନଙ୍କୁ ମଧ୍ୟ ପଚରାଉଚରା ପାଇଁ ଡକାଯାଇଛି। ଏହି ସମୟରେ ଦୀପିକା ପାଦୁକୋନ ଗୋଆରୁ ମୁମ୍ବାଇରେ ପହଞ୍ଚିଛନ୍ତି। ତାଙ୍କ ସହ ସ୍ବାମୀ ରଣବୀର ସିଂ ମଧ୍ୟ ଥିଲେ। ରଣବୀର ସିଂ ଏନସିବିକୁ ନିବେଦନ କରିଛନ୍ତି ଯେ, ସେ ପଚରାଉଚରା ବେଳେ ଦୀପିକାଙ୍କ ସହ ରହିବାକୁ ଚାହୁଁଛନ୍ତି। ଦୀପିକା ବେଳେବେଳେ ନର୍ଭସ ହୋଇଯାଆନ୍ତି। ତେଣୁ ତାଙ୍କୁ ସେମାନଙ୍କ ସହିତ ରହିବାକୁ ଅନୁମତି ଦିଆଯିବା ଉଚିତ୍। ଆଇନଗତ ନିୟମ ଅନୁଯାୟୀ ଅନୁସନ୍ଧାନ ସମୟରେ ସେ ରହିପାରିବେ ନାହିଁ, ତଥାପି ଏନସିବି କାର୍ଯ୍ୟାଳୟ ଭିତରେ ରହିବାକୁ ମୋତେ ଅନୁମତି ଦିଆଯିବା ଉଚିତ ବୋଲି ରଣବୀର କହିଛନ୍ତି। ସୁଶାନ୍ତ ସିଂ ଆତ୍ମହତ୍ୟା ମାଲାରେ ଛନ୍ଦି ହୋଇପଡିଥିବା ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ଡଗ୍ସ ମାମଲାରେ ଗିରଫ କରାଯାଇଛି। ତାଙ୍କୁ ପଚରାଉଚରା ବେଳେ ସେ କିଛି ଅଭିନେତ୍ରୀଙ୍କ ନାଁ ନେଇଥିଲେ। ଫଳରେ ଏନସିବି ବଲିଉଡ୍ ଡ୍ରଗ୍ସ ଚେନ୍କୁ ଖୋଜିବାକୁ ଚେଷ୍ଟା କରୁଛି।
