ବଲିଉଡ୍ର ବଡ଼ ବଡ଼ କଳାକାରଙ୍କ ନାମ ଡ୍ରଗ୍ସ ମାମଲାରେ ଯୋଡିହେବା ପରେ ଏହା ଏକ ଭିନ୍ନ ରୂପ ନେଇଛି। ଏହାର ତଦନ୍ତ କରି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନ୍ସିବି) ଅଧିକାରୀମାନେ ଜଣେ ପରେ ଜଣେ ବଲିଉଡ୍ ବ୍ୟକ୍ତିତ୍ୱଙ୍କୁ ଜେରା କରି ଚାଲିଛନ୍ତି। ଏନ୍ସିବି ଜାଲରେ ଛନ୍ଦି ହୋଇଥିବା ଅନେକ ବଲିଉଡ୍ କଳାକାରଙ୍କ ମଧ୍ୟରେ ସାରା ଅଲ୍ଲୀ ଖାନ୍, ଦୀପିକା ପାଦୁକୋନ, ରକୁଲ ପ୍ରୀତି ସିଂ ଏବଂ ଫ୍ୟାଶନ ଡିଜାଇନର ସିମୋନ ଖମ୍ବଟାଙ୍କୁ ଏହି ମାମଲାରେ ଏନ୍ସିବି ପଚରାଉଚରା କରୁଛି।
ତେବେ ଏହି ମାମଲାରେ ଏନ୍ସିପି ଦୀପିକାଙ୍କୁ ଅନେକ ପ୍ରଶ୍ନ କରିଥିଲେ ଏବଂ ସତ ଜାଣିବାକୁ ଚାହିଁଥିଲେ। ହେଲେ ଉତ୍ତରରେ ଦୀପିକା ଯାହା କହିଥିଲେ ଶୁଣିବା ପରେ ସମସ୍ତେ ଆଶ୍ଚର୍ଯ୍ୟ ହୋଇ ଯାଇଥିଲେ।
ଏନ୍ସିବିର ପ୍ରଶ୍ନର ଉତ୍ତରରେ ଦୀପିକା କହିଥିଲେ: ହଁ ମୁଁ ପଚାରିଥିଲି ମାଲ ଅଛି କି। ହେଲେ ଆପଣମାନେ ଯାହା ଭାବୁଛନ୍ତି ତାର ଅର୍ଥ ସେଇଆ ନୁହେଁ। ମାଲ ଅର୍ଥ ସିଗାରେଟ। ସିଗାରେଟ ପାଇଁ ଆମେ କୋଡ୍ ଓ୍ବାର୍ଡ ମାଲ ବ୍ୟବହାର କରିଥାଉ ବୋଲି ଦୀପିକା କହିଥିଲେ। ଆଉ ଏକ ପ୍ରଶ୍ନର ଉତ୍ତରରେ ସେ କହିଥିଲେ, ହାଶ ଏବଂ ଭିଡର ଅର୍ଥ ସିଗାରେଟର ବିଭିନ୍ନ ବ୍ରାଣ୍ଡକୁ ବୁଝାଏ। ହାଶ ପତଳା ସିଗାରେଟ ଏବଂ ଭିଡ ମୋଟା ସିଗାରେଟକୁ ବୁଝାଏ। ଆମେ ସିଗାରେଟ ଟାଣୁ କିନ୍ତୁ ତାହା ଡ୍ରଗ୍ସ ନୁହେଁ ବୋଲି ଦୀପିକା କହିଥିଲେ। କାହିଁକି ଏପରି କୋଡ୍ ଓ୍ବାର୍ଡ ବ୍ୟବହାର କରୁଥିଲ ବୋଲି ଏନ୍ସିବି ପ୍ରଶ୍ନ କରିଥିଲା। ଉତ୍ତରରେ ଦୀପିକା କହିଥିଲେ, ଫିଲ୍ମ ଇଣ୍ଡଷ୍ଟ୍ରିରେ ଆମେ କୋଡ୍ ଓ୍ବାର୍ଡରେ କଥା ହୋଇଥାଉ। ଏମିତି ଆହୁରି ଅନେକ ଓ୍ବାଡ୍ ରହିଛି , ଯେମିତି ପନିର ଏବଂ କୁଇକ୍ ଆଣ୍ଡ୍ ମ୍ୟାରେଜ। ପତଳା ଲୋକଙ୍କ ପାଇଁ ପନିର ଶବ୍ଦ ବ୍ୟବହାର କରୁଥିବା ବେଳେ କୁଇକ୍-କ୍ଷୁଦ୍ର ସମ୍ପର୍କ ଏବଂ ବିବାହ-ଦୀର୍ଘ ସମ୍ପର୍କକୁ ବୁଝାଉଥିବା ସେ କହିଥିଲେ।
ଦୀପିକା ଡ୍ରଗ୍ସ ବ୍ୟବହାରକୁ ସମ୍ପୂର୍ଣ୍ଣ ଭାବେ ଅସ୍ବିକାର କରିଛନ୍ତି। ତେବେ ଦୀପିକାଙ୍କ ଏହି କୋଡ୍ ଶୁଣି ଏନ୍ସିବି ମଧ୍ୟ ଆଶ୍ଚର୍ଯ୍ୟ ହୋଇଯାଇଛି। ଏହି ମାମଲାର ପରିଣାଣ କ’ଣ ହେବ ତାହା ସମୟ ଆସିଲେ ଜଣାପଡ଼ିବ।
