ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନ ତାଙ୍କର ସୌନ୍ଦର୍ଯ୍ୟ ଏବଂ ଅଭିନୟ ମାଧ୍ୟମରେ ପ୍ରଶଂସକଙ୍କୁ ବାନ୍ଧି ରଖିଛନ୍ତି। ଏବେ ସେ ଗୋଟିଏ ପରେ ଗୋଟିଏ ଫିଲ୍ମରେ ସାଇନ କରୁଥିବା ନଜର ଆସିଛନ୍ତି। ତେବେ ପ୍ରଶଂସକମାନେ ତାଙ୍କୁ ଆଗାମୀ ଫିଲ୍ମରେ ଦେଖିବାକୁ ଉତ୍ସାହର ସହିତ ଅପେକ୍ଷା କରିଛନ୍ତି । ମାତ୍ର ଏବେ ଦୀପିକା ତାଙ୍କ ପ୍ରଶଂସକଙ୍କୁ ଏକ ବିଶେଷ ଉପହାର ଦେଇଛନ୍ତି। ସେ ନିଜର ଏକ ୱେବସାଇଟ୍ ଲଞ୍ଚ କରିଛନ୍ତି। ଏନେଇ ଦୀପିକା ନିଜର ଏକ ଭିଡିଓ ସୋସିଆଲ ମିଡିଆ ଇନ୍ଷ୍ଟାଗ୍ରାମ୍ରେ ପୋଷ୍ଟକରି ପ୍ରଶଂସକଙ୍କୁ ଜଣାଇଛନ୍ତି।
ଭିଡିଓରେ ସେ କହିଛନ୍ତି, ହାଏ, ମୁଁ ଆଜି ମୋର ଓ୍ବେବ୍ସାଇଟ୍ ଲଞ୍ଚ୍ କରିବାକୁ ଯାଉଥିବାରୁ ବହୁତ ଉତ୍ସାହିତ ଅଛି। ଅନେକ ମାସ ହେବ ଏ ନେଇ କାମ ଚାଲିଥିଲା। ମାତ୍ର କରୋନା ଯୋଗୁ ଏଥିରେ ବିଳମ୍ବ ହୋଇଛି। ହେଲେ ଶେଷରେ ଏହା ରେଡ୍ଡି ହୋଇଯାଇଛି ବୋଲି କହିଛନ୍ତି।