ମୁମ୍ବାଇ: ସାରା ବିଶ୍ୱରେ ଏବେ ଫିଫା ୱାର୍ଲଡ କପ ୨୦୨୨ର ଧୁମ ଚାଲିଛି । ଏହି ଟ୍ରଫିରେ ଭାରତର ଯୋଗଦାନ ବି ଯୋଡି ହୋଇଯାଇଛି । କାରଣ ଏଥିପାଇଁ ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଟ୍ରଫି ଅନାବରଣ କରିଥିଲେ । ସୋସିଆଲ ମିଡିଆରେ ଫିଫା ୱାର୍ଲଡ କପ ଟ୍ରଫି ଅନାବରଣ କରୁଥିବା ବେଳେ ଦୀପିକାଙ୍କର କିଛି ଫଟୋ ଏବେ ସାମ୍ନାକୁ ଆସିଛି । ଏଥିରେ ଅଭିନେତ୍ରୀ ଖୁବ ଗର୍ଜିୟସ ଲାଗୁଛନ୍ତି ।
ଦୀପିକା ପୂର୍ବତନ ସ୍ପେନିସ ଗୋଲକିପର ଇକେର କାସିଲାସଙ୍କ ସହ ଟ୍ରଫି ଉପରୁ ପରଦା ଉଠାଇଥିଲେ । ଏହି ସମୟରେ ଅଡିଏନ୍ସ ତାଳିମାରି ଚିୟର୍ସ କରିଥିଲେ । ଫିଫା ୱାର୍ଲଡ କପରେ ପହଞ୍ଚିଥିବା ଦୀପିକାଙ୍କ ଲୁକକୁ ନେଇ ଖୁବ୍ ଚର୍ଚ୍ଚା ହେଉଛି । ସେଠାରେ ସେ ହ୍ୱାଇଟ କଲର ଶର୍ଟ ଉପରେ ଗୋଲଡେନ ଜ୍ୟାକେଟ ପିନ୍ଧିଥିବା ନଜର ଆସିଛି ।
ଏହି କ୍ଲାସି ଲୁକରେ ଦୀପିକା ପୁଣିଥରେ ତାଙ୍କ ଫ୍ୟାନ୍ସଙ୍କୁ ଇମ୍ପ୍ରେସ କରିଛନ୍ତି । ଏହାସହ ତାଙ୍କର ମିଲିୟନ ଡଲାରର ସ୍ମାଇଲ ଏହି ଲୁକରେ ଚାର ଚାନ୍ଦ ଲଗାଇ ଦେଇଛି । ଗୋଟିଏ ଫଟୋରେ ଦୀପିକା ଟ୍ରଫିକୁ ଖୁବ୍ ଧ୍ୟାନରେ ଦେଖୁଛନ୍ତି । ତେବେ ଟ୍ରଫି ଅନାବରଣ ସମୟରେ ସେ ସମସ୍ତ ଫୁଟବଲ ଫ୍ୟାନ୍ସଙ୍କୁ ଚିୟର କରିଛନ୍ତି ।
ଏହି ଟ୍ରଫି ରିଭିଲ କରି ଦୀପିକା ତାଙ୍କ ନାଁରେ ଆଉ ଏକ ଆଚିଭମେଣ୍ଟ ଯୋଡି ଦେଇଛନ୍ତି । ଏହାସହ ଫିଫା ଟ୍ରଫି ରିଭିଲ କରିବାରେ ସେ ପ୍ରଥମ ଭାରତୀୟ ଭାବେ ଇତିହାସ ରଚିଛନ୍ତି ।