କଳାକାରଙ୍କ ଲୋକପ୍ରିୟଙ୍କା ଅନେକ ସମୟରେ ସେମାନଙ୍କ ପାଇଁ ଅସୁବିଧା ସୃଷ୍ଟି କରିଥାଏ। ଏମିତି କିଛି ଘଟଣା ଘଟିଛି ଅଭିନେତ୍ରୀ ଦୀପିକା ପାଦୁକୋନଙ୍କ ସହ। ନିକଟରେ ଦୀପିକା ଏକ ରେଷ୍ଟୁରାଣ୍ଟରୁ ବାହାରୁଥିବା ବେଳେ କିଛି ଲୋକ ତାଙ୍କୁ ଘେରିଯାଇଥିଲେ। ଏହି ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଦୀପିକା ଏକ ରେଷ୍ଟୁରାଣ୍ଟକୁ ରାତ୍ରୀ ଭେଜନ ପାଇଁ ଯାଇଥିଲେ। ଏହା ଆଖପାଖ ଲୋକମାନେ ଜାଣିପାରିଥିଲେ। କ୍ୟାମେରମ୍ୟାନ୍ଙ୍କ ସହ ସାଧାରଣ ଲୋକ ଦୀପିକାଙ୍କୁ ଦେଖିବା ପାଇଁ ଓ ତାଙ୍କ ଫଟୋ ଉଠାଇବା ପାଇଁ ରେଷ୍ଟୁରାଣ୍ଟ ବାହାରେ ଭିଡ ଜମାଇଦେଲେ। ଦୀପିକା ରେଷ୍ଟୁରାଣ୍ଟରୁ ବାହାରିବାକ୍ଷଣି ସମସ୍ତେ ତାଙ୍କୁ ଘେରି ଯାଇଥିଲେ। ଏହି ଅବସରରେ ଜଣେ ମହିଳା ଦୀପିକାଙ୍କ ପର୍ସକୁ ଛଡ଼ାଇନେବାକୁ ଚେଷ୍ଟା କରିଥିଲେ। ମାତ୍ର ସେ ନେଇପାରି ନ ଥିଲେ। ଏହି ଅବସରରେ ଦୀପିକା ବହୁତ ନର୍ଭସ ମଧ୍ୟ ଦେଖାଯାଉଛନ୍ତି। ଗାଡି ପର୍ଯ୍ୟନ୍ତ ପହଞ୍ଚିବା ପାଇଁ ତାଙ୍କୁ ବହୁତ ସଂଘର୍ଷ କରିବାକୁ ପଡ଼ିଥିଲା।
ଏହି ଭିଡିଓ ଭାଇରାଲ ହେବା ପରେ ଲୋକମାନେ ନିଜର ଭିନ୍ନ ପ୍ରତିକ୍ରିୟା ରଖୁଛନ୍ତି। ଭିଡିଓ ଦେଖିଲେ ସ୍ପଷ୍ଟ ବାରିହୋଇ ପଡ଼ୁଛି ଯେ, କଳାକାରଙ୍କ ଜୀବନ ସେତେଟା ସହଜ ନୁହେଁ।
