ଟେଲି ଅଭିନେତ୍ରୀ ଦୀପିକା ସିଂଙ୍କ ମା’ ଏବଂ ଜେଜେ ମା’ କରୋନା ଆକ୍ରାନ୍ତ ହୋଇଥିଲେ। ଏବେ ତାଙ୍କ ମା’ କରୋନାକୁ ହରାଇ ସୁସ୍ଥ ହୋଇ ଘରକୁ ଫେରିଛନ୍ତି। ଏ ନେଇ ଦୀପିକା ଇନ୍ଷ୍ଟାଗ୍ରାମ୍ରେ ମା’ ଏବଂ ଜେଜେ ମା’ଙ୍କ ଏକ ଫଟୋ ପୋଷ୍ଟକରି ଏହି ସୂଚନା ଦେଇଛନ୍ତି। ଏଥିସହ ସେ ଦିଲ୍ଲୀ ସରକାରଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି। ଦୀପିକା ଏହି ଟୁଇଟ୍କୁ ଅରବିନ୍ଦ କେଜରିଓ୍ବାଲ ଏବଂ ମନୀଷ ସିସୋଦିୟାଙ୍କୁ ମଧ୍ୟ ଟ୍ୟାଗ୍ କରିଥିବା ଜଣାପଡ଼ିଛି। ଏବେ ମଧ୍ୟ ତାଙ୍କ ଜେଜେ ମା’ ହସ୍ପିଟାଲରେ ଚିକିତ୍ସାଧୀନ ଅଛନ୍ତି।
ଦୀପିକାଙ୍କ ମା’ କରୋନା ପଜିଟିଭ୍ ଜଣାପଡ଼ିବା ପରେ ଉକ୍ତ ହସ୍ପିଟାଲ ତାଙ୍କ ରିପୋର୍ଟର କପି ଦେଇ ନ ଥିଲେ। ଫଳରେ ବିନା ରିପୋର୍ଟରେ ତାଙ୍କ ମା’ଙ୍କୁ ଚିକିତ୍ସା ପାଇଁ କୌଣସି ହସ୍ପିଟାଲରେ ଭର୍ତ୍ତି କରାଯାଇ ପାରୁ ନ ଥିଲା। ଏଥିପାଇଁ ଦୀପିକା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କୁ ସାହାଯ୍ୟ ମାଗିଥିଲେ। ପରେ କେଜରିଓ୍ବାଲ ସରକାର ହସ୍ପିଟାଲରେ ତାଙ୍କ ମା’ଙ୍କୁ ବେଡ୍ ଦେବାରେ ସହଯୋଗ କରିଥିଲେ।
