ଅଯୋଧ୍ୟା,୧୧।୯: ଦୁଇ ଦିନ ଧରି ବିଶ୍ୱ ହିନ୍ଦୁ ପରିଷଦର ବରିଷ୍ଠ ଅଧିକାରୀମାନେ ଅଯୋଧ୍ୟାରେ ଏକାଠି ହୋଇଛନ୍ତି। ରବିବାର ଭିଏଚପିର କେନ୍ଦ୍ରୀୟ ଗୋଷ୍ଠୀର ବୈଠକରେ ରାମ ଲଲାଙ୍କ ସମର୍ପଣ ପାଇଁ ପ୍ରସ୍ତୁତି ଏବଂ ପର୍ବକୁ ଐତିହାସିକ କରିବା ଉପରେ ଆଲୋଚନା କରାଯାଇଥିଲା। ଯେଉଁ ଦିନ ରାମ ଲଲା ତାଙ୍କ ନୂତନ ମନ୍ଦିରରେ ପ୍ରତିଷ୍ଠା ହେବେ, ସେହିଦିନ ଦୀପୋତ୍ସଭ ସମଗ୍ର ବିଶ୍ୱରେ ପାଳନ କରାଯିବ। ପ୍ରତ୍ୟେକ ମଠ, ମନ୍ଦିର ଏବଂ ପ୍ରତ୍ୟେକ ଘରେ ରୀତିନୀତି ଅନୁଷ୍ଠିତ ହେବ।
ସମଗ୍ର ବିଶ୍ୱ ଏହି ଦୀପୋତ୍ସବ ପର୍ବର ସାକ୍ଷୀ ହେବାପାଇଁ ଏହାର ଲାଇଭ ଟେଲିକାଷ୍ଟ ପାଇଁ ବ୍ୟବସ୍ଥା କରାଯିବ। ବୈଠକ ପରେ ଖବରଦାତାମାନଙ୍କ ସହ କଥାବାର୍ତ୍ତା କରି ଭିଏଚପି କାର୍ଯ୍ୟକାରୀ ସଭାପତି ଆଲୋକ କୁମାର କହିଛନ୍ତି ଯେ ଶ୍ରୀ ରାମ ପ୍ରାଣପ୍ରତିଷ୍ଠା କାର୍ଯ୍ୟକ୍ରମ ସମଗ୍ର ବିଶ୍ୱରେ କାର୍ନିଭାଲ ବା ଆନନ୍ଦୋତ୍ସବ ଭାବରେ ପାଳନ କରାଯିବ। କେବଳ ଦେଶରେ ରହୁଥିବା ଲୋକ ନୁହଁନ୍ତି ବିଦେଶରେ ରହୁଥିବା ଲୋକମାନେ ମଧ୍ୟ ଏହି ମହାନ ପର୍ବରେ ଭାଗ ନେବା ଉଚିତ।
ସଂଗଠନର ପୂର୍ବତନ ସହ-ସଚିବ ଭାୟାଜୀ ଯୋଶୀ, ଭିଏଚପି ସାଧାରଣ ସମ୍ପାଦକ ମିଲିନ୍ଦ ପାରାଣ୍ଡେ, ଶ୍ରୀ ରାମ ଜନ୍ମଭୂମୀ ତୀର୍ଥ କ୍ଷେତ ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟ, ଡକ୍ଟର ଅନିଲ ମିଶ୍ର, କାମେଶ୍ୱର ଚୌପାଲ, ଭିଏଚପି ଉପାଧ୍ୟକ୍ଷି ଜୀଭେଶ୍ୱର, ଯୁଗ୍ମ ମନ୍ତ୍ରୀ କୋଟେଶ୍ୱର ଏବଂ ବହୁ ପ୍ରଦେଶର ଅଧିକାରୀ ଉପସ୍ଥିତ ଥିଲେ।