ଦିଗପହଣ୍ଡି,୨୬।୧୧(ଡି.ଏନ.ଏ.): ଗଞ୍ଜାମ ଜିଲା ଢଉ ଗାଁ ୩୨୬ ନଂ ଜାତୀୟ ରାଜପଥର ଭାଲିଆ ଝୋଳା ଗାଁ ଛକ ନିକଟରୁ ଶନିବାର ଏକ କୃଷ୍ଣସାର ମୃଗର ମୃତଦେହ ଉଦ୍ଧାର ହୋଇଛି। ଅଜଣା ଗାଡି ଧକ୍କାରେ କୃଷ୍ଣସାର ମୃଗର ମୃତ୍ୟୁ ଘଟିଥିବା ଜଣାପଡିଛି। ଖବରପାଇ ପାଟପୁର ବନବିଭାଗ ସେକ୍ସନର ବନପାଳ ଅରୁଣ କୁମାର ଦାସ ସଦଳବଳେ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ରେଞ୍ଜର କାହ୍ନୁ ଚରଣ ପଟ୍ଟନାୟକଙ୍କୁ ଖବର ଦେଇଥିଲେ। ରେଞ୍ଜର ସେଠାରେ ପହଞ୍ଚି ସବିଶେଷ ତଦନ୍ତ କରିବା ସହ ବନବିଭାଗ ମାମଲା ନଂ.୨୦/୨୨-୨୩ ଅନୁଯାୟୀ ମକଦ୍ଦମା ରୁଜୁ କରିଛନ୍ତି। ପରେ ମୃତଦେହକୁ ପାଟପୁର ପ୍ରାଣୀ ଚିକିତ୍ସାଳୟରେ ବ୍ୟବଚ୍ଛେଦ କରିବା ପରେ ପୋତି ଦିଆଯାଇଛି। ମୃତ କୃଷ୍ଣସାର ମୃଗଟି ମାଈ ମୃଗ ହୋଇଥିବା ବେଳେ ବୟସ ପ୍ରାୟ ସାଢେ ୩ ବର୍ଷ ବୋଲି ରେଞ୍ଜର କହିଛନ୍ତି।