ମୁମ୍ବାଇ,୨୫।୧୦ : ବମ୍ବେ ହାଇକୋର୍ଟ ପରିବାର କୋର୍ଟର ଆଦେଶକୁ କାଏମ ରଖି ରାୟ ଦେଇଛନ୍ତି ଯେ ବିନା ପ୍ରମାଣରେ ସ୍ବାମୀଙ୍କୁ ଅନ୍ୟ ମହିଳାଙ୍କ ସହିତ ସମ୍ପର୍କ ରଖିଥିବା କହିବା ଏବଂ ମଦ୍ୟପ ବୋଲି କହିବା କ୍ରୁରତା ଶ୍ରେଣୀଭୁକ୍ତ। ଜଷ୍ଟିସ ନିତିନ ଜାମଦାର ଏବଂ ଜଷ୍ଟିସ ଶର୍ମିଲା ଦେଶମୁଖଙ୍କ ନେତୃତ୍ୱରେ ଗଠିତ ଏକ ଡିଭିଜନ ବେଞ୍ଚ ୫୦ ବର୍ଷ ବୟସ୍କା ମହିଳାଙ୍କ ଦ୍ୱାରା ଦିଆଯାଇଥିବା ଆବେଦନକୁ ଖାରଜ କରି ଦେଇଛନ୍ତିି।
ଏହି ମାମଲାରେ ନଭେମ୍ବର ୨୦୦୫ ରେ ଅବସରପ୍ରାପ୍ତ ସେନା ଅଧିକାରୀଙ୍କ ଛାଡପତ୍ର ଆଦେଶ ପୁଣେର ଏକ ପରିବାର କୋର୍ଟ ଦ୍ୱାରା ଚ୍ୟାଲେଞ୍ଜ କରାଯାଇଥିଲା। ଏହା ଏକ ପାରିବାରିକ ନିଷ୍ଠୁରତା ବୋଲି ହାଇକୋର୍ଟ କହିଛନ୍ତି।
ହାଇକୋର୍ଟ ତାଙ୍କ ଆଦେଶରେ କହିଛନ୍ତି ଯେ ମହିଳା ଜଣକ ନିଜ ବିବୃତ୍ତି ବ୍ୟତୀତ ତାଙ୍କ ଅଭିଯୋଗକୁ ପ୍ରମାଣ କରିବା ପାଇଁ କୌଣସି ପ୍ରମାଣ ଦେଇ ନାହାନ୍ତି। ଇତିମଧ୍ୟରେ ତାଙ୍କ ସ୍ବାମୀଙ୍କ୍ ମୃତ୍ୟୁ ମଧ୍ୟ ଘଟିସାରିଛି। ମୃତ ସ୍ବାମୀଙ୍କ ଆଇନଜୀବୀ କୋର୍ଟଙ୍କୁ କହିଛନ୍ତି ଯେ ଆବେଦନକାରୀ ମହିଳା ମିଥ୍ୟା ଏବଂ ବଦନାମ କରିବା ଲାଗି ଏଭଳି ଅଭିଯୋଗ କରି ତାଙ୍କ ସ୍ବାମୀଙ୍କୁ ମାନସିକ ଯନ୍ତ୍ରଣା ଦେଇଛନ୍ତି। ବେଞ୍ଚ କହିଛନ୍ତି ଯେ ଆବେଦନକାରୀଙ୍କ ସ୍ବାମୀ ସେନାରୁ ଅବସର ନେଇଛନ୍ତି। ସେ ସମାଜର ସମ୍ମାନୀୟ ବ୍ୟକ୍ତିଥିଲେ। ସମାଜରେ ତାଙ୍କର ସୁନାମ ଥିଲା। ଏପରିସ୍ଥଳେ ମହିଳାଙ୍କ ଏଭଳି ଅଭିଯୋଗ କ୍ରୁରତା ଶ୍ରେଣିଭୁକ୍ତ ବୋଲି କୋର୍ଟ କହିଛନ୍ତି।