ନୂଆଦିଲ୍ଲୀ,୨ ।୨: ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ମଙ୍ଗଳବାର ବେଙ୍ଗାଲୁରୁ ଗସ୍ତ କରିଛନ୍ତି । ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ(ଏଚ୍ଏଏଲ୍)ର ଦ୍ୱିତୀୟ ଏଲ୍ସିଏ(ଲାଇଟ୍ କମ୍ବାଟ୍ ଏୟାରକ୍ରାପ୍ଟ)ର ପ୍ରଡକ୍ସନ ଲାଇନର ଉଦ୍ଘାଟନ କରିଛନ୍ତି । ଚୁକ୍ତି ଅନୁଯାୟୀ ବାୟୁସେନାକୁ ତେଜସ ଏଲ୍ସିଏର ଡେଲିଭରି ମାର୍ଚ୍ଚ ୨୦୨୪ରେ ଆରମ୍ଭ ହେବ । ଏହି ସୂଚନା ପ୍ରତିରକ୍ଷା ମନ୍ତ୍ରୀ ତାଙ୍କ ଟୁଇଟର ହ୍ୟାଣ୍ଡେଲ ଯୋଗେ ଦେଇଛନ୍ତି । ଏହାସହ ୩ ଫେବୃୟାରୀରେ ଏଠାରେ ଆୟୋଜିତ ହେବାକୁ ଯାଉଥିବା ଏୟରୋ ଇଣ୍ଡିଆ ଶୋ’ରେ ବି ସାମିଲ ହେବ ଯାହାର ଅଭ୍ୟାସ ବେଙ୍ଗାଲରୁରେ ୨ ଫେବୃୟାରୀରୁ ଆରମ୍ଭ ହୋଇଛି । ଏଥିରେ ଆମେରିକାର ଏୟାରକ୍ରାପ୍ଟ ବି-୧ ଲାନସର ବି ସାମିଲ ହେବ । ଭାରତରେ ଆମେରିକା ସର୍ମ୍ପକରେ ବୁଝୁଥିବା ଡନ୍ ହେଲଫିନ୍ କହିଛନ୍ତି ଚଳିତ ବାୟୁସେନାର ପ୍ରଦର୍ଶନରେ ଆମେରିକାର ପ୍ରମୁଖ ଏୟାରକ୍ରାପ୍ଟ ବି-୧ ଲାନସରକୁ ଫିଚର କରାଯିବ ଯାହା ପ୍ରଥମଥର ଲାଗି ଏୟରୋ ଇଣ୍ଡିଆରେ ଭାଗ ନେବ । ଏଲ୍ସିଏର ଦ୍ୱିତୀୟ ପ୍ରଡକ୍ସନ ଲାଇନ ଉଦ୍ଘାଟରେ ଯୋଗ ଦେଇ ପ୍ରତିରକ୍ଷାମନ୍ତ୍ରୀ କହିଛନ୍ତି, ଆମର ଆତ୍ମନିର୍ଭର ଭାରତର ସଂକଳ୍ପ ପୂରଣ ହୋଇଛି । ଏହାଦ୍ୱାରା ବିଶ୍ୱର ଅନ୍ୟ ଦେଶକୁ ଏହି ବାର୍ତ୍ତା ଯିବ ଯେ ଯାନ୍ତ୍ରୀକ ଓ ଉତ୍ପାଦନ କ୍ଷେତ୍ରରେ ଆମେ ଆତ୍ମନିର୍ଭର ହେବାକୁ ଚାହୁଁଛୁ । ଆଉ ଏଥିପାଇଁ ଭାରତ ସରକାର ଚିନ୍ତା କରୁଛନ୍ତି । ରାଜନାଥ କହିଛନ୍ତି ତେଜସ କେବଳ ସ୍ୱେଦେଶୀ ନୁହେଁ ଏହାର ଗୁରବତ୍ତା ବି ବିଦେଶୀ ଯୁଦ୍ଧ ବିମାନଠାରୁ ଉତ୍ତମ । ଏହି ଗୁଣବତ୍ତାରେ ଇଞ୍ଜିନ କ୍ଷମତା, ରାଡାର ସିଷ୍ଟମ ସହ ଦାମ ବି ରହିଛି ।
