ନୂଆଦିଲ୍ଲୀ,୧ ।୬: ପ୍ରତିରକ୍ଷା ମନ୍ତ୍ରଣାଳୟ ମଙ୍ଗଳବାର ଭାରତ ଡାୟନେମିକସ ଲିମିଟେଡ (ବିଡିଏଲ) ସହ ଏୟାର-ଟୁ-ଏୟାର ଷ୍ଟ୍ରାଇକ୍ କ୍ଷେପଣାସ୍ତ୍ର ଏବଂ ଆନୁଷଙ୍ଗିକ ଉପକରଣ କ୍ରୟ ପାଇଁ ୨,୯୭୧ କୋଟି ଟଙ୍କା ଚୁକ୍ତି କରିଛି । ଭାରତୀୟ ବାୟୁସେନା ଏବଂ ଭାରତୀୟ ନୌସେନା ପାଇଁ ଏହି କ୍ଷେପଣାସ୍ତ୍ର କ୍ରୟ କରାଯାଉଛି ବୋଲି ପ୍ରତିରକ୍ଷା ମନ୍ତ୍ରଣାଳୟ କହିଛି । ଭାରତୀୟ ବାୟୁସେନାର ଆବଶ୍ୟକତରା ଅନୁଯାୟୀ, ପ୍ରତିରକ୍ଷା ଅନୁସନ୍ଧାନ ଓ ବିକାଶ ସଙ୍ଗଠନ(ଡିଆରଡିଓ) ଦ୍ୱାରା ‘ଅସ୍ତ୍ର ଏମକେ-ଆଇ ବିଭିଆର ଏଏଏମ୍’ ସ୍ୱଦେଶୀ ଜ୍ଞାନ କୌଶଳରେ ଡିଜାଇନ୍ ଓ ବିକଶିତ କରାଯାଇଛି ।
ମନ୍ତ୍ରଣାଳୟର ସୂଚନା ଅନୁଯାୟୀ, ଭିଜୁଆଲ ରେଞ୍ଜ ଏୟାର-ଟୁ-ଏୟାର ଷ୍ଟ୍ରାଇକ କ୍ଷମତା ବିଶିଷ୍ଟ ଏହି କ୍ଷେପଣାସ୍ତ୍ର ଗୁଡିକ ବାୟୁସନାର ଯୁଦ୍ଧ ବିମାନକୁ ଶକ୍ତି ଯୋଗାଇଥାଏ । ଅସ୍ତ୍ର ଏମକେ-ଆଇ କ୍ଷେପଣାସ୍ତ୍ର ଏବଂ ଏହାର ଉତକ୍ଷେପଣ ଓ ପରିକ୍ଷଣ ପାଇଁ ସମସ୍ତ ଆନୁଷଙ୍ଗିକ ପ୍ରଣାଳୀ ଭାରତୀୟ ବାୟୁସେନା ସହିତ ଡିଆରଡିଓ ଦ୍ୱାରା ବିକଶିତ ହୋଇଛି ।