ନୂଆଦିଲ୍ଲୀ, ୨୫ା୮ (ପି.ଟି.)-କୋଭିଡ୍-୧୯ ମହାମାରୀର ପ୍ରଭାବ ହ୍ରାସ ପାଇଲେ ଭାରତର ଅନ୍ୟତମ ମହାନ ଫୁଟ୍ବଲ ଖେଳାଳି ବାଇଚୁଙ୍ଗ ଭୂତିଆଙ୍କ ନାମରେ ତିଆରି କରାଯାଇଥିବା ଷ୍ଟାଡିୟମର ଉଦ୍ଘାଟନ ହେବ। ସିକିମରେ ନିର୍ମିତ ୧୫,୦୦୦ ଆସନ ବିଶିଷ୍ଟ ଏହି ଷ୍ଟାଡିୟମରେ ଫ୍ଲଡଲାଇଟ୍ର ବ୍ୟବସ୍ଥା ରହିଛି। ଷ୍ଟାର ଫୁଟବଲ ଖେଳାଳିଙ୍କ ଜନ୍ମସ୍ଥାନ ଟିନ୍କିଟାମଠାରୁ ୨୫କିଲୋମିଟର ଦୂର ନାମ୍ଚିଠାରେ ଏହି ଷ୍ଟାଡିୟମଟି ରହିଛି। ଫୁଟ୍ବଲରୁ ଅବସର ନେଇ ସାରିଥିଲେ ମଧ୍ୟ ବାଇଚୁଙ୍ଗ ଭୂତିଆ ଅନେକଙ୍କ ପାଇଁ ରୋଲ୍ ମଡେଲ ଓ ପ୍ରେରଣାର ଉତ୍ସ ସାଜିଛନ୍ତି। ଦେଶର ଫୁଟ୍ବଲରମାନଙ୍କ ପାଇଁ ସେ ରୋଲ୍ ମଡେଲ ମଧ୍ୟ ପାଲଟିଛନ୍ତି ବୋଲି ସିକିମ ଫୁଟ୍ବଲ ଆସୋସିଏଶନର ସଭାପତି ମେନ୍ଲା ଇଥେନ୍ପା କହିଛନ୍ତି। ୧୦୦ ଅନ୍ତର୍ଜାତୀୟ ମ୍ୟାଚ ଖେଳିବାରେ ଭୂତିଆ ହେଉଛନ୍ତି ପ୍ରଥମ ଭାରତୀୟ ଫୁଟ୍ବଲର। ଜଣେ ଫୁଟ୍ବଲରଙ୍କ ନାମରେ ଷ୍ଟାଡିୟମ ନିର୍ମାଣ ହେବା ଦେଶରେ ପ୍ରଥମ ଦୃଷ୍ଟାନ୍ତ।