ନୂଆଦିଲ୍ଲୀ,୧୩ ।୧୧: ଦିଲ୍ଲୀ ଉପମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି(ଏଏପି) ନେତା ମନିଷ ସିସୋଡିଆଙ୍କୁ ପୁଣିଥରେ ଟାର୍ଗେଟ କରିଛି ଭାରତୀୟ ଜନତା ପାର୍ଟି(ଭାଜପା) । ରବିବାର ଆକ୍ରମଣାତ୍ମକ ଢଙ୍ଗରେ ଦିଲ୍ଲୀର ଭାଜପା ମୁଖ୍ୟ ଏକ ପୋଷ୍ଟର ମାଧ୍ୟମରେ ସିସୋଡିଆଙ୍କୁ ‘ଲୁଟେରା’ ବୋଲି କହିଛନ୍ତି ।
ଭାଜପାର ଦିଲ୍ଲୀ ମୁଖ୍ୟ ରବିବାର ସକାଳେ ଟୁଇଟରରେ ଏକ ପୋଷ୍ଟର ଜାରି କରିଛନ୍ତି । ଫିଲ୍ମ ଅଭିନେତା ରଣବୀର ସିଂଙ୍କ ଫିଲ୍ମ ‘ଲୁଟେରା’ର ପୋଷ୍ଟରରେ ପରିବର୍ତ୍ତନ କରି ସେଥିରେ ମନିଷ ସିସୋଡିଆଙ୍କ ଫଟୋ ଲଗାଇ ଦେଇଛନ୍ତି ।
ଅବକାରୀ ନୀତିରେ କଥିତ ଘୋଟାଲାକୁ ନେଇ ଭାଜପା ଏଏପି ନେତାଙ୍କୁ ଏଭଳି ଦର୍ଶାଇଛି । ଏହି ପୋଷ୍ଟରରେ ‘ଲିକର ସ୍ମୋକ ମୋଶନ ପିକ୍ଚର୍ସ ପ୍ରେଜେଣ୍ଟସ୍’ ପରେ ‘ମହାଠକ ସୁକେଶ ପ୍ରଡକଶନ’ ଓ ‘ଅରବିନ୍ଦ କେଜିୱାଲଙ୍କ ଦ୍ୱାରା ନିର୍ଦ୍ଦେଶିତ’ ବୋଲି ଲେଖାଯାଇଛି ।
