ନୂଆଦିଲ୍ଲୀ,୨୧।୩ : ମଙ୍ଗଳବାର ବିଧାନସଭାର ବଜେଟ ଅଧିବେଶନରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଭାଜପା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି, ସେମାନଙ୍କର ସମସ୍ୟା ହେଉଛି ଆମ ଆଦମୀ ପାର୍ଟି ଦିଲ୍ଲୀରେ ବାରମ୍ବାର ଜିତୁଛି ଏବଂ କାହିଁକି ଭାଜପା ବାରମ୍ବାର ହାରୁଛିି? ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଯଦି ଆପଣ ଦିଲ୍ଲୀ ଜିତିବାକୁ ଚାହାଁନ୍ତି, ତେବେ ସର୍ବପ୍ରଥମେ ଦିଲ୍ଲୀବାସୀଙ୍କ ହୃଦୟ ଜିତନ୍ତୁ? ବିଦ୍ୟାଳୟ ଏବଂ ଡାକ୍ତରଖାନା ନିର୍ମାଣ କରନ୍ତୁ। ଦିଲ୍ଲୀକୁ ସାନ ଭାଇ ଭାବରେ ବିବେଚନା କରି ସହଯୋଗ କରନ୍ତୁ, ଏହାକୁ ସମର୍ଥନ କରନ୍ତୁ। ଯଦି ଆପଣ ମୋହାଲା କ୍ଲିନିକ ଏବଂ ସ୍କୁଲ ବନ୍ଦ କରିବାକୁ ଚେଷ୍ଟା କରନ୍ତି, ତେବେ ଏ ଜନ୍ମରେ ଦିଲ୍ଲୀ ଜିତି ପାରିବେ ନାହିଁ।
ଅନେକ ମାସ ଧରି ମୋହଲା କ୍ଲିନିକରେ ଔଷଧ, ପରୀକ୍ଷା ପାଇଁ ଟଙ୍କା ବନ୍ଦ କରିଦିଆଗଲା। କେତେ ଲୋକ ଅସୁବିଧାରେ ପଡ଼ିଲେ। ଆମେ ଫରିସ୍ତେ ଯୋଜନା ମାଧ୍ୟମରେ ୧୩୦୦୦ ରୁ ଅଧିକ ଜୀବନ ରକ୍ଷା କରିଛୁ, ଏଥିପାଇଁ ଆପଣ ଅର୍ଥ ଦେବା ବନ୍ଦ କରିଛନ୍ତି। ଏହା ଦ୍ୱାରା କିଏ ଉପନକୃତ ହୋଇଛନ୍ତି। ଆମେ ବହୁତ ଛୋଟ ଲୋକ, ତୁମେ ତୁମର କାମ କର, ଆମକୁ ଆମର କାମ କରିବାକୁ ଦିଅ।
ସେ ପ୍ରଧାନମନ୍ତ୍ରୀଙ୍କୁ ଏକ ଅନୁରୋଧ କରିଛନ୍ତି, ଯେ ଆମେ ଯୁଦ୍ଧ କରିବାକୁ ନୁହେଁ, କାମ କରିବାକୁ ଚାହୁଁଛୁ। ଯେଉଁ ଦେଶରେ ଝଗଡା ହୁଏ, ସବୁ ନଷ୍ଟ ହୋଇଯାଏ। ଦେଶର ହାରାହାରି ତୁଳନାରେ ଦିଲ୍ଲୀ ଦ୍ରୁତ ଗତିରେ ଅଗ୍ରଗତି କରୁଛି ବୋଲି ଅର୍ଥମନ୍ତ୍ରୀ ଆର୍ଥିକ ସର୍ଭେ ଉପସ୍ଥାପନ କରିଛନ୍ତି। ଯଦି କୌଣସି ଝଗଡା ହୋଇ ନ ଥାନ୍ତା, ତେବେ ୧୦ ଗୁଣା ଅଧିକ ଅଗ୍ରଗତି ହୋଇଥାନ୍ତା।।