ନୂଆଦିଲ୍ଲୀ,୨୫।୮: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ବିରାଟ କୋହଲି ନିଜର ଆକ୍ରମଣାତ୍ମକ ଅନ୍ଦାଜ୍ ପାଇଁ ଜଣାଶୁଣା। ପଡ଼ିଆରେ ସେ ନିଜର କ୍ରୋଧ ଅନେକ ଥର ଦେଖାଇଛନ୍ତି। ଏବେ ବିରାଟ କୋହଲିଙ୍କ କ୍ରୋଧକୁ ନେଇ ଭାରତୀୟ ଉଇକେଟ କିପର ବ୍ୟାଟ୍ସମ୍ୟାନ ରିଷଭ ପନ୍ତ ଏକ ଖୁଲାସା କରିଛନ୍ତି।
ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଟୁଇଟର୍ରେ ଏକ ଭିଡିଓ ଶେୟାର କରାଯାଇଛି। ଏହି ଭିଡିଓରେ ରିଷଭ କହିଛନ୍ତି, ମୁଁ କାହାକୁ ଭୟ କରେ ନାହିଁ, କିନ୍ତୁ ମୁଁ ବିରାଟ ଭାଇଙ୍କ କ୍ରୋଧକୁ ଡରେ। ଯେତେବେଳେ କେହି ଭୁଲ କରନ୍ତି ସେତେବେଳେ ବିରାଟ କୋହଲି ରାଗିଯାନ୍ତି। ରାଗିବା ମଧ୍ୟ ଯଥାର୍ଥ। ଜଣେ ଭୁଲ୍ରୁ ହିଁ ଶିଖିବ।
ରିଷଭ ପନ୍ତ ୨୦୧୮ରେ ଇଂଲଣ୍ଡ ବିପକ୍ଷ ସିରିଜରେ ଡେବ୍ୟୁ କରିଥିଲେ। ସେ ସମସ୍ତ ତିନୋଟି ଫର୍ମାଟରେ ଭାରତୀୟ ଦଳର ଏକ ଗୁରୁତ୍ୱପୂର୍ଣ୍ଣ ଖେଳାଳି ଅଟନ୍ତି। ରିଷଭଙ୍କ ଟେଷ୍ଟ କ୍ୟାରିୟରରେ ସେ ଏପର୍ଯ୍ୟନ୍ତ ୩୧ଟି ଟେଷ୍ଟ ମ୍ୟାଚରେ ୪୩.୬୨ ହାରାହାରିରେ ୨୧୨୩ ରନ ସ୍କୋର କରିଛନ୍ତି। ଏଥିସହ ସେ ୫ ଥର ଶତକ ଅର୍ଜନ କରିଛନ୍ତି।
