ମୁମ୍ବାଇ, ୧୬ା୪- ଦିଲ୍ଲୀ କ୍ୟାପିଟାଲ୍ସ ପେସର ଅନରିଚ ନର୍ଟଜେ ଶୁକ୍ରବାର କଠିନ କ୍ୱାରେଣ୍ଟିନ ଶେଷ କରିଛନ୍ତି। ଭୁଲ କୋଭିଡ୍-୧୯ ରିପୋର୍ଟ ଯୋଗୁ ତାଙ୍କୁ ଅଧିକ କିଛି ଦିନ କ୍ୱାରେଣ୍ଟିନରେ ରହିବାକୁ ପଡ଼ିଥିଲା।
ଗତ ସିଜନରେ ଦିଲ୍ଲୀ ପାଇଁ ଜବରଦସ୍ତ ପ୍ରଦର୍ଶନ କରିଥିବା ଦକ୍ଷିଣ ଆଫ୍ରିକୀୟ ପେସରଙ୍କ କ୍ୱାରେଣ୍ଟିନରେ ଥିବାବେଳେ କୋଭିଡ୍-୧୯ ରିପୋର୍ଟ ପଜିଟିଭ ଆସିଥିଲା। ଏହାପରେ ୩ ଥର ତାଙ୍କର ଆରଟି-ପିସିଆର ଟେଷ୍ଟ କରାଯାଇଥିଲା, ଯାହାର ଫଳାଫଳ ନେଗେଟିଭ ଆସିଛି। କ୍ୱାରେଣ୍ଟିନ ଶେଷ କରିଛନ୍ତି ଆମ ଷ୍ଟାର ପେସର। ଭୁଲ କୋଭିଡ୍-୧୯ ରିପୋର୍ଟ ପରେ ୩ ଥର ଟେଷ୍ଟ କରାଯାଇଥିଲା। ତାହାର ରିପୋର୍ଟ ନେଗେଟିଭ ଆସିଛି। ବର୍ତ୍ତମାନ ସେ ଦଳର ବାୟୋବବଲର ଅଂଶ ବୋଲି ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଟୁଇଟ୍ କରାଯାଇଛି।