ନୂଆଦିଲ୍ଲୀ,୧ ।୧୧: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ମଙ୍ଗଳବାର ଏକ ପ୍ରେସ କନଫରେନ୍ସ ଜରିଆରେ ଭାରତୀୟ ଜନତା ପାର୍ଟି(ଭାଜପା) ଉପରେ ଖୁବ୍ ବର୍ଷିଛନ୍ତି । ସେ କହିଛନ୍ତି ଭାଜପା ସବୁ ଭଲ କାମକୁ ଅଟକାଇବାକୁ ଚେଷ୍ଟା କରୁଛି । ଏବେ ଏହାର ଆଉ ଏକ ଟାର୍ଗେଟ ହେଉଛି ମୋହଲ୍ଲା କ୍ଲିନକ । କେଜରିୱାଲ କହିଛନ୍ତି ଲୋକେ ଶାସନର ଦୂରୁପଯୋଗ କରୁଛନ୍ତି ।
ଭାଜପାକୁ ଟାର୍ଗେଟ କରି କେଜରିୱାଲ କହିଛନ୍ତି, ଏହି ଲୋକମାନେ ଏକ ଷଡଯନ୍ତ୍ର କରି ଯୋଗଶାଳାକୁ ବନ୍ଦ କରି ଦେଇଛନ୍ତି । ହେଲେ ମୁଁ ଯୋଗଶାଳାକୁ ବନ୍ଦ ହେବାକୁ ଦେବି ନାହିଁ । ଯୋଗଶାଳାର ଶିକ୍ଷକଙ୍କୁ ଦରମା ଦେବାକୁ ମୁଁ ପଛେ ଭିକ ମାଗିବି କିନ୍ତୁ ଯୋଗଶାଳା ବନ୍ଦ ହେବାକୁ ଦେବି ନାହିଁ । କେଜରିୱ।।ଲ ଆହୁରି ମଧ୍ୟ କହିଛନ୍ତି, ଏବେ ରାଜଧାନିର ସମସ୍ତ ସରକାରୀ ହସ୍ପିଟାଲ ଠିକ୍ କରାଯାଇଛି । ଦିଲୀର ସ୍ୱାସ୍ଥ୍ୟ ବ୍ୟବସ୍ଥା ବହୁତ ଭଲ ହୋଇଯାଇଛି ହେଲେ ଭାଜପାର ଲୋକେ ଏକ ଷଡଯନ୍ତ୍ର କରି ଦିଲ୍ଲୀ ସରକାରଙ୍କ କାମକୁ ବନ୍ଦ କରିବାକୁ ପ୍ରୟାସ କରୁଛନ୍ତି । ଏହାର ଜବାବ ଦିଲ୍ଲୀର ଜନତା ନିଶ୍ଚିତ ଦେବେ ।
ସୁକେଶ ଚନ୍ଦ୍ରଶେଖର ଆମ ଆଦମୀ ପାର୍ଟି(ଏଏପି) ନେତା ସତ୍ୟେନ୍ଦ୍ର ଜୈନଙ୍କୁ ୧୦ କୋଟି ଟଙ୍କା ଦେଇଥିବା ମିଛ କଥା । କେଜରିୱାଲ କହିଛନ୍ତି ଭାଜପା ମୋରବି ଘଟଣାରୁ ଧ୍ୟାନ ହଟାଇବାକୁ ସୁକେଶ ଚନ୍ଦ୍ରଶେଖରଙ୍କ କାହାଣୀ କହୁଛି । ଭାଜପା ସୁକେଶ ଚନ୍ଦଶେଖରଙ୍କ କାନ୍ଧରେ ବନ୍ଧୁକ ରଖି ଚଳାଇବାକୁ ଚେଷ୍ଟା କରୁଛି । ପଞ୍ଜାବ ନିର୍ବାଚନ ପୂର୍ବରୁ ଏମାନେ କୁମାର ବିଶ୍ୱାସଙ୍କୁ ନେଇ ଆସିଥିଲେ ।
ଏହାର ପାଲଟା ଜବାବରେ ଭାଜପା ନେତା ସମ୍ବିତ ପାତ୍ର କହିଛନ୍ତି, ସୁକେଶ ଚନ୍ଦଶେଖରଙ୍କ ନାମରେ ଅଭିଯୋଗ ଆଣୁଥିବା ଦଳ ହେଉଛି ଆମ ଆଦମୀ ପାର୍ଟି । ଏହି ଦଳ ଠକିକରି ପ୍ରତିମାସରେ ୨ କୋଟିର ପ୍ରୋଟେକଶନ ମନି ଦେବାକୁ ପଡୁଛି । ଏହାସହ ସତ୍ୟେନ୍ଦ୍ର ଜୈନଙ୍କୁ ସୁକେଶ ଦେଇଥିବା ଅର୍ଥକୁ ନେଇ ସମ୍ବିତ ପାତ୍ର କହିଛନ୍ତି ସୁକେଶ ହେଉଛନ୍ତି ସତ୍ୟେନ୍ଦ୍ର ଜୈନଙ୍କ ବନ୍ଧୁ ତେଣୁ ସେ ତାଙ୍କୁ ଟଙ୍କା ଦେଇଛନ୍ତି । ଏବେ ଏଏପି ଠକ ଦଳ ହୋଇଯାଇଛି ।