ନୂଆଦିଲ୍ଲୀ,୧୨।୧୦: ରେସଲର ସାଗର ଧନକର ହତ୍ୟା ମାମଲାରେ ରେସଲର ତଥା ଦୁଇଥର ଅଲିମ୍ପିକ ପଦକ ବିଜେତା ସୁଶୀଲ କୁମାରଙ୍କୁ ଦୋଷୀ ସାବ୍ୟସ୍ତ କରିଛନ୍ତି ଦିଲ୍ଲୀ କୋର୍ଟ। ସୁଶୀଲ କୁମାରଙ୍କ ସହ ୧୭ ଜଣଙ୍କ ବିରୋଧରେ ମଧ୍ୟ ମାମଲା ରୁଜୁ କରାଯାଇଛି। ଦିଲ୍ଲୀର ରୋହିଣୀ କୋର୍ଟ ସୁଶୀଲ କୁମାରଙ୍କ ସମେତ ୧୮ ଜଣଙ୍କ ନାଁରେ ହତ୍ୟା, ହତ୍ୟା ଉଦ୍ୟମ, ଦଙ୍ଗା, ବେଆଇନ ଜନସମାଗମ ତଥା ଅନ୍ୟ ବିଭାଗ ଅଧୀନରେ ଅପରାଧିକ ଷଡଯନ୍ତ୍ର ପାଇଁ ଚାର୍ଜଫ୍ରେମ କରିଛନ୍ତି।
୨୦୨୧ରେ, ମେ ୪-୫ ରାତିରେ ସୁଶୀଲ କୁମାର ତାଙ୍କର କିଛି ସାଥୀଙ୍କ ସହ ଦିଲ୍ଲୀର ଛତ୍ରସାଲ ଷ୍ଟାଡିୟମରେ ପହଞ୍ଚି ରେସଲର ସାଗର ଧନଖରଙ୍କ ସହ ଝଗଡା କରି ମାରପିଟ୍ କରିଥିଲେ। ଏହି ଘଟଣାରେ ସାଗର ଗୁରୁତର ଆହତ ହୋଇଥିଲେ ଏବଂ ପରେ ତାଙ୍କର ମୃତ୍ୟୁ ହୋଇଥିଲା। ଏହି ଘଟଣା ପରେ ସୁଶୀଲ କୁମାର ଫେରାର ହୋଇଯାଇଥିଲେ। ଫେରାର ହେବାର ୧୭ ଦିନ ପରେ ସେ ଗିରଫ ହୋଇଥିଲେ। ବର୍ତ୍ତମାନ ସୁଶୀଲ କୁମାର ଏବଂ ହତ୍ୟା ମାମଲାରେ ଅଭିଯୁକ୍ତମାନେ ତିହାର ଜେଲରେ ଅଛନ୍ତି।
