ନୂଆଦିଲ୍ଲୀ,୬।୭: ଦିଲ୍ଲୀ ମଦ ଦୁର୍ନୀତି ମାମଲାରେ ଗିରଫ ହୋଇଥିବା ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ଗୁରୁବାର ରୌଜ ଏଭିନ୍ୟୁ କୋର୍ଟରେ ହାଜର ହୋଇଛନ୍ତି। ଏହି ମାମଲାରେ କୋର୍ଟ ସିବିଆଇକୁ ପଚାରିଛନ୍ତି ଯେ ଚାର୍ଜଶିଟ ସହ ଜଡିତ ଦଲିଲ ସବୁ ଅଭିଯୁକ୍ତଙ୍କୁ ଦିଆଯାଇଛି କି? ଏହା ଉପରେ ସିବିଆଇ କୋର୍ଟଙ୍କୁ କହିଛି ଯେ ଚାର୍ଜଶିଟ ସମ୍ବନ୍ଧୀୟ ଦଲିଲଗୁଡିକ ସମସ୍ତ ଅଭିଯୁକ୍ତଙ୍କୁ ଦିଆଯାଇଛି।ଏହି ମାମଲାର ପରବର୍ତ୍ତୀ ଶୁଣାଣି ଜୁଲାଇ ୩୧ ପୂର୍ବାହ୍ନ ୧୦.୩୦ରେ ରୌଜ ଏଭିନ୍ୟୁ କୋର୍ଟରେ ହେବ। ସିସୋଡିଆ ସମେତ ଅନେକ ଲୋକଙ୍କୁ ଦିଲ୍ଲୀ ମଦ ଦୁର୍ନୀତି ସହ ଜଡିତ ଦୁର୍ନୀତି ମାମଲାରେ ଗିରଫ କରାଯାଇଛି।
ଦିଲ୍ଲୀ ମଦ ଦୁର୍ନୀତି ମାମଲାର ଶୁଣାଣି ସମୟରେ କୋର୍ଟ ସିବିଆଇକୁ ସପ୍ଲିମେଣ୍ଟାରୀ ଚାର୍ଜଶିଟ ସମ୍ବନ୍ଧୀୟ ଦଲିଲଗୁଡ଼ିକୁ ଅଭିଯୁକ୍ତଙ୍କୁ ହସ୍ତାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ପରବର୍ତ୍ତୀ ଶୁଣାଣିରେ କୋର୍ଟ ଉଭୟ ପକ୍ଷର ଯୁକ୍ତି ଶୁଣାଣି କରିବେ। ଏହି ମାମଲାରେ ମନୀଷ ସିସୋଡିଆଙ୍କ ଜାମିନ ଆବେଦନକୁ ଅନେକ ଥର ପ୍ରତ୍ୟାଖ୍ୟାନ କରାଯାଇଛି।