ନୂଆଦିଲ୍ଲୀ,୯ ।୩: ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଗୁରୁବାର ଦିଲ୍ଲୀ ଅବକାରୀ ନୀତି ମାମଲାରେ କଥିତ ଅନିୟମିତତା ସହ ଜଡିତ ମନି ଲଣ୍ଡରିଂ ମାମଲାରେ ମନିଷ ସିସୋଡିଆଙ୍କୁ ତିହାଡ ଜେଲରେ ପଚରା ଉଚରା କରାଯାଇଛି । ଏହା ପୂର୍ବରୁ ମଙ୍ଗଳବାର ବି ସିସୋଡିଆଙ୍କୁ ଇଡି ଜେଲରେ ପ୍ରାୟ ୬ ଘଣ୍ଟା ଜେରା କରିଥିଲା । ଏହି ମାମଲାରେ ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓଙ୍କ ଝିଅ କେ କବିତାଙ୍କୁ ଆଜି ଜେରା କରିବାର ଥିଲା । ହେଲେ ସେ ଇଡିକୁ ୧୧ ମାର୍ଚ୍ଚରେ ଉପସ୍ଥିତ ରହିବାକୁ ଅନୁରୋଧ କରିଥିଲେ । ତାଙ୍କର ଏହି ଅନୁରୋଧକୁ କେନ୍ଦ୍ରୀୟ ଏଜେନ୍ସି ସ୍ୱୀକାର କରି ନେଇଛି ।
ବିଆରଏସର ଏମଏଲସି କବିତା ଦିଲ୍ଲୀରେ କହିଥିଲେ ଆମେ ପ୍ରବର୍ତ୍ତନ ନିର୍ଦ୍ଦୋଳୟର ସାମ୍ନା କରିବୁ, ଆମେ କିଛି ଭୁଲ କରିନାହୁଁ । କବିତା ଗୁରୁବାର ଦିଲ୍ଲୀ ପହଞ୍ଚିଛନ୍ତି । ସେ କହିଛନ୍ତି ୧୧ ମାର୍ଚ୍ଚରେ ଇଡି ସାମ୍ନରେ ହାଜର ହେବେ । ଚଳିତ ସପ୍ତାହ ଆରମ୍ଭରେ ସେ କହିଥିଲେ, ସେ ଯାଞ୍ଚ ଏଜେନ୍ସିକୁ ସମ୍ପୂର୍ଣ୍ଣ ଭାବେ ସହଯୋଗ କରିବେ, ହେଲେ ମହିଳା ଆରକ୍ଷଣ ବିଧେୟକଙ୍କ ସମର୍ଥନରେ ଦିଲ୍ଲୀରେ ୧୦ ମାର୍ଚ୍ଚରେ ପ୍ରସ୍ତାବିତ ଧାରଣାକୁ ଦେଖି ବୟାନର ତାରିଖ ଉପରେ ଆଇନଗତ ରାୟ ନେବେ ।