ନୂଆଦିଲ୍ଲୀ,୧୦।୧୧: ଦିଲ୍ଲୀ ମଦ ଦୁର୍ନୀତି ସହ ଜଡିତ ମନି ଲଣ୍ଡରିଂ ମାମଲାରେ ଗିରଫ ହୋଇଥିବା ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ଶୁକ୍ରବାର ରୌଜ୍ ଏଭିନ୍ୟୁ କୋର୍ଟ ତାଙ୍କ ପତ୍ନୀଙ୍କୁ ଭେଟିବାକୁ ଅନୁମତି ଦେଇଛନ୍ତି। ଶନିବାର ସକାଳ ୧୦ଟାରୁ ୪ଟା ପର୍ଯ୍ୟନ୍ତ ସିସୋଡିଆ ତାଙ୍କ ପତ୍ନୀଙ୍କୁ ଭେଟିପାରିବେ।
ତାଙ୍କ ପତ୍ନୀ ଅସୁସ୍ଥ ଥିବାରୁ ଆମ ଆଦମୀ ପାର୍ଟି (ଏଏପି) ନେତାଙ୍କୁ ଅନୁମତି ଦିଆଯାଇଛି। ସୂଚନାଯୋଗ୍ୟ, ସିସୋଡିଆକୁ ପ୍ରଥମେ ୨୬ ଫେବୃୟାରୀରେ ସିବିଆଇ ଗିରଫ କରିଥିଲା। ତା’ପରେ ତାଙ୍କୁ ଜେଲରେ ପଚରାଉଚରା କରିବା ପରେ ଇଡି ତାଙ୍କୁ ମାର୍ଚ୍ଚ ୯ରେ ଗିରଫ କରିଥିଲା। ଉକ୍ତ ମାମଲାରେ ଏଏପିର ରାଜ୍ୟ ସଭା ଏମ୍ପି ସଞ୍ଜୟ ସିଂ ମଧ୍ୟ ନ୍ୟାୟିକ ହେପାଜତରେ ଅଛନ୍ତି।