ନୂଆଦିଲ୍ଲୀ,୬।୧୦: ଆମ ଆଦମୀ ପାର୍ଟି (ଏଏପି)ର ରାଜ୍ୟ ସଭା ଏମ୍ପି ସଞ୍ଜୟ ସିଂଙ୍କୁ ଦିଲ୍ଲୀର ମଦ ଦୁର୍ନୀତି ମାମଲାରେ ୮ ଦିନ ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ହେପାଜତକୁ ପଠାଯାଇଛି। ତାଙ୍କୁ ବୁଧବାର ଗିରଫ କରାଯାଇଥିଲା ଏବଂ ପରେ ଗୁରୁବାର କୋର୍ଟରେ ହାଜର କରାଯାଇଥିଲା। ସଞ୍ଜୟ ସିଂ ଅକ୍ଟୋବର ୧୦ ପର୍ଯ୍ୟନ୍ତ ଇଡି ହେପାଜତରେ ରହିବେ। ଏଠାରେ ତାଙ୍କୁ ଅନେକ ପ୍ରକାରର ପ୍ରଶ୍ନ ପଚରାଯିବ। ଥରେ ହେପାଜତ ଅବଧି ଶେଷ ହେବା ପରେ ତାଙ୍କୁ କୋର୍ଟରେ ହାଜର କରାଯିବ।
ସୂଚନାନୁସାରେ, ଇଡି ସଞ୍ଜୟ ସିଂ ଏବଂ ଦୀନେଶ ଆରୋରାଙ୍କୁ ମଧ୍ୟ ସାମ୍ନାସାମ୍ନି ବସାଇ ପଚରାଉଚରା କରିପାରେ। ପ୍ରାରମ୍ଭରେ, ଇଡି ସଞ୍ଜୟ ସିଂଙ୍କ ସମ୍ମୁଖରେ ସିଡିଆର ଏବଂ ଅନ୍ୟ ଅଭିଯୁକ୍ତଙ୍କ ବୟାନକୁ ରଖି ତାଙ୍କୁ ପ୍ରଶ୍ନ କରିବ। ଇଡି ତରଫରୁ ପ୍ରଶ୍ନର ଏକ ତାଲିକା ମଧ୍ୟ ପ୍ରସ୍ତୁତ କରାଯାଇଛି। ଦିଲ୍ଲୀ ମଦ ଦୁର୍ନୀତିରେ ଦୀନେଶ ଆରୋରା ବର୍ତ୍ତମାନ ସରକାରୀ ସାକ୍ଷୀ ହୋଇଛନ୍ତି। ତାଙ୍କ ବୟାନ ଆଧାରରେ ସଞ୍ଜୟ ସିଂଙ୍କୁ ଗିରଫ କରାଯାଇଛି। ଏହି ଗିରଫଦାରୀ ବିରୋଧରେ ଏଏପି ବିରୋଧ କରିଛି।
