ନୂଆଦିଲ୍ଲୀ,୯ ।୧୦: ରାଜଧାନୀ ଦିଲ୍ଲୀରେ ପୁଣିଥରେ ଆମ ଆଦମୀ ପାର୍ଟି(ଏଏପି) ଓ ଭାରତୀୟ ଜନତା ପାର୍ଟି(ଭାଜପା) ସାମ୍ନା ସାମ୍ନି ହୋଇଛନ୍ତି । ଦେବୀ-ଦେବତାଙ୍କୁ ଅପମାନ କରିଥିବା ଅଭିଯୋଗ ଆଣି ଭାଜପା ଏବେ ଦିଲ୍ଲୀ ସରକାରଙ୍କ ମନ୍ତ୍ରୀ ଥିବା ରାଜେନ୍ଦ୍ର ପାଲ ଗୌତମଙ୍କୁ ଟାର୍ଗେଟ କରିଛି । ଏହାକୁ ନେଇ ହିନ୍ଦୁ ସଙ୍ଗଠନ ରାଜେନ୍ଦ୍ର ପାଲ ଗୌତମଙ୍କ ବିରୋଧରେ ଗେରୁଆ ପତାକା ଉଡାଇବା ସହ ସ୍ଲୋଗାନ ଦେଇଥିଲେ । ବହୁ ଟାହିଟାପରା ସହିବା ପରେ ଶେଷରେ କେଜରିୱାଲ ସରକାରରେ ମନ୍ତ୍ରୀ ଥିବା ରାଜେନ୍ଦ୍ର ପାଲ ଗୌତମ ଇସ୍ତଫା ଦେଇଛନ୍ତି ।