ନୂଆଦିଲ୍ଲୀ,୨୨।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଦିଲ୍ଲୀରେ ପ୍ରସ୍ତାବିତ ସୈନିକ ସ୍କୁଲ୍ର ନାମ ଶହିଦ ଭଗତ ସିଂଙ୍କ ନାମରେ ରଖିବାକୁ ମଙ୍ଗଳବାର ଘୋଷଣା କରିଛନ୍ତି। ଝରୋଡା କାଲାରେ ୧୪ ଏକ ପରିମିତ ସ୍ଥାନରେ ହେବାକୁ ଥିବା ଏହି ସ୍କୁଲ୍ରେ ହଷ୍ଟେଲ ସୁବିଧା ମଧ୍ୟ ରହିବ । ଯେଉଁଠାରେ ସମସ୍ତ ଶିକ୍ଷା ମାଗଣାରେ ଦିଆଯିବ ଏବଂ ସ୍କୁଲର ସମସ୍ତ ଖର୍ଚ୍ଚ ଦିଲ୍ଲୀ ସରକାର ବହନ କରିବେ ।
କେଜ୍ରିଓ୍ବାଲ କହିଛନ୍ତି, ସ୍ବାଧୀନତା ସଂଗ୍ରାମୀ ଭଗତ ସିଂ ୨୩ ମାର୍ଚ୍ଚରେ ସହିଦ ହୋଇଥିଲେ। ରାଜଧାନୀରେ ଏମିତି ଏକ ସ୍କୁଲ ତିଆରି କରିବୁ ଯେଉଁଠି ସୈନିକ, ଏନଡିଏ ଏବଂ ଅନ୍ୟ ସଶସ୍ତ୍ର ସୁରକ୍ଷା ବଳ ପାଇଁ ଛାତ୍ର ମାନଙ୍କୁ ତିଆରି କରାଯିବ ବୋଲି ଡିସେମ୍ବର ୨୦୨୦ରେ ଘୋଷଣା କରାଯାଇଥିଲା। ସ୍କୁଲ୍ରେ ଛାତ୍ରମାନେ ନବମ ଏବଂ ଏକାଦଶ ଆଡମିଶନ ନେଇ ପାରିବେ । ଆଉ ପତ୍ୟେକ ଶ୍ରେଣୀ ପାଇଁ ୨୦୦ ସିଟ ରହିବ। ୨୦୦ ସିଟ ପାଇଁ ୧୮ ହଜାର ଆବେଦନ ଆସି ସାରିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି।
