ନୂଆଦିଲ୍ଲୀ,୧୫।୪: ଦିଲ୍ଲୀ ଅବକାରୀ ନୀତି ମାମଲାରେ ସିବିଆଇର ନୋଟିସ ମିଳିବା ପରେ ଆମ ଆଦମୀ ପାର୍ଟି ନେତା ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ସରକାରଙ୍କ ଉପରେ ଖୁବ ବର୍ଷିଛନ୍ତି। କେଜରିଓ୍ବାଲ କହିଛନ୍ତି, ଗତ ଏକ ବର୍ଷ ଭିତରେ ଭାଜପା ଚିଲ୍ଲାଉଛି କି ଦିଲ୍ଲୀରେ ମଦ ଘୋଟାଲ ହୋଇଛି ଓ ଦେଶର ସମସ୍ତ ଯାଞ୍ଚ ଏଜେନ୍ସି ସବୁ କାମ ଛାଡି ଏହାର ଯାଞ୍ଚରେ ଲାଗି ଯାଇଛନ୍ତି। ଦିଲ୍ଲୀ ମୁଖ୍ୟମନ୍ତ୍ରୀ କହିଛନ୍ତି କୌଣସି ମଦ ଘୋଟାଲା ହୋଇନାହିଁ। ଏମାନେ ମିଛ କହି ମାମଲା କରିଛନ୍ତି ଓ କହୁଛନ୍ତି ମଦ ଘୋଟାଲ ହୋଇଛି। ଏପଟେ ଭାରତୀୟ ଜନତା ପାର୍ଟି(ଭାଜପା) କେଜରିଓ୍ବାଲଙ୍କ ଅଭିଯୋଗର ପ୍ରତିଉତ୍ତର ଦେଇଛି।
କେନ୍ଦ୍ରମନ୍ତ୍ରୀ ଅନୁରାଗ ଠାକୁର କହିଛନ୍ତି, ଏମିତି ୭୫ ବର୍ଷରେ ପ୍ରଥମ ଥର ହୋଇଛି, କି ଯିଏ ଭ୍ରଷ୍ଟାଚାର ବିରୋଧରେ ଆନ୍ଦୋଳନ କରିବା କଥା କହୁଛନ୍ତି, ସେ ଭ୍ରଷ୍ଟାଚାରର ଦଲଦଲରେ ବୁଡିବା ଦେଖାଯାଉଛି। ଅରବିନ୍ଦ କେଜରିଓ୍ବାଲଙ୍କ ମନ୍ତ୍ରୀ ଜେଲ ଯାଇଛନ୍ତି ଆଉ ସେ ବିଶ୍ୱକୁ ଜ୍ଞାନ ବାଣ୍ଟୁଛନ୍ତି। ଯାଞ୍ଚ ଏଜେନ୍ସି ସେମାନଙ୍କ କାମ କରୁଛନ୍ତି।
