ନୂଆଦିଲ୍ଲୀ,୬।୯: ଦିଲ୍ଲୀ ମଦ ଦୁର୍ନୀତି ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଏବେ ଆକ୍ସନ ମୋଡ୍ରେ ଅଛି। ମଙ୍ଗଳବାର ଏକାସାଙ୍ଗରେ ୩୦ରୁ ଅଧିକ ସ୍ଥାନରେ ଚଢାଉ କରାଯାଉଛି। ସୂଚନା ଅନୁଯାୟୀ, ଦିଲ୍ଲୀ, ଉତ୍ତରପ୍ରଦେଶ, ପଞ୍ଜାବ, ହରିୟାଣା, ତେଲେଙ୍ଗାନା ସମେତ ମହାରାଷ୍ଟ୍ରରେ ଇଡି ଅଧିକାରୀଙ୍କ ସର୍ଚ୍ଚ ଅପରେଶନ ଚାଲିଛି।
ସୂଚନାଯୋଗ୍ୟ, ଦିଲ୍ଲୀ ସରକାରଙ୍କ ନୂଆ ଅବକାରୀ ନୀତି ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଭାରତୀୟ ଜନତା ପାର୍ଟି ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ଏହି ଘଟଣାରେ ଦୁର୍ନୀତି କରିଥିବା ଅଭିଯୋଗ କରିଛି। ଏହି ପରିପ୍ରେକ୍ଷୀରେ ସିବିଆଇ ମନୀଷ ସିସୋଡିଆଙ୍କ ଘର ଏବଂ ବ୍ୟାଙ୍କ ଲକରରେ ଖୋଜାଖୋଜି କରିସାରିଛି। ବର୍ତ୍ତମାନ ଇଡି ଏହି ପ୍ରସଙ୍ଗରେ ପଦକ୍ଷେପ ନେଇଛନ୍ତି। ଇଡି ସିବିଆଇରୁ ଏହି ମାମଲା ସହ ଜଡିତ ଡକ୍ୟୁମେଣ୍ଟ ମାଗିଥିଲା।