ନୂଆଦିଲ୍ଲୀ,୧୮ ।୧: ପାଖେଇ ଆସିଲାଣି ସାଧାରଣତନ୍ତ୍ର ଦିବସ । ଦିନକ ପୂର୍ବରୁ ରାଜଧାନୀ ଦିଲ୍ଲୀର ଗାଜିପୁର ଫୁଲ ମାର୍କେଟରୁ ଆଇଇଡି ମିଳିବା ପରେ ଏବେ ଦିଲ୍ଲୀ ପୋଲିସ ସକ୍ରିୟ ହୋଇ ଉଠିଛି । ରାଜପଥ ଓ ଏହାର ଆଖପାଖର ସୁରକ୍ଷାକୁ ବଢାଇ ଦିଆଯାଇଛି । ସାଧରଣତନ୍ତ୍ର ଦିବସକୁ ଆଖି ଆଗରେ ରଖି ପ୍ରାୟ ୩୦୦ ସିସିଟିଭି ଲଗାଯିବା ସହ ଚେହେରା ଚିହ୍ନିବା ସିଷ୍ଟମ ବି ଲଗାଯାଇଛି ।ସମାଚାର ଏଜେନ୍ସି ଏଏନ୍ଆଇର ସୂଚନା ଅନୁଯାୟୀ, ନୂଆଦିଲ୍ଲୀର ଡିସିପି ଦୀପକ ଯାଦବ କହିଛନ୍ତି, ଯବାନଙ୍କ ସୁରକ୍ଷା ଆତଙ୍କବାଦୀ ଆକ୍ରମଣ ସହ କୋଭିଡ-୧୯ ମାମଲା ଆମ ପାଇଁ ଚ୍ୟାଲେଞ୍ଜ ହୋଇଛି । ଏଥିପାଇଁ ସଭିଙ୍କୁ ସାବଧାନ ରହିବା ସହ ସୁରକ୍ଷାକୁ କଡାକଡି କରାଯାଇଛି । ସୂଚନାଯୋଗ୍ୟ, ଏଥର ଚେହେରା ଚିହ୍ନିବା ସିଷ୍ଟମରେ ୫୦ ହଜାର ସନ୍ଦିଗ୍ଧଙ୍କର ଡାଟାବେସ ସାଧାରଣତନ୍ତ୍ର ଦିବସରେ କେବଳ ୨୪ ହଜାର ଲୋକଙ୍କୁ ସାମିଲ କରାଯିବାର ବ୍ୟବସ୍ଥା କରାଯିବା ସହ ମାତ୍ର ୪ ହଜାର ଟିକେଟ ସାଧାରଣ ଲୋକଙ୍କ ପାଇଁ ରହିଛି ।