ନୂଆଦିଲ୍ଲୀ,୨୮।୭: ଦିଲ୍ଲୀ ଅଧିକାରୀଙ୍କ ଟ୍ରନ୍ସଫର ଓ ପୋଷ୍ଟିଂ ସହ ଜଡିତ କେନ୍ଦ୍ରର ଅଧ୍ୟାଦେଶ ସ୍ଥାନ ନେବାକୁ ଯାଉଥିବା ବିଧେୟକ ଲୋକ ସଭାରେ ଆସନ୍ତା ସପ୍ତାହରେ ଉପସ୍ଥାପନ କରାଯିବ। ଆସନ୍ତା ସପ୍ତାହରେ ଗୃହରେ ହେବାକୁ ଥିବା କାର୍ଯ୍ୟ ସମ୍ପର୍କରେ ସୂଚନା ଦେଉଥିବା ବେଳେ କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ରାମ ମେଘୱାଲ ଶୁକ୍ରବାର ଏହା ବିଷୟରେ ସୂଚନା ଦେଇଛନ୍ତି। ଯେତେବେଳେ ନିମ୍ନ ଗୃହରେ ‘ଦିଲ୍ଲୀର ନ୍ୟାସନାଲ କ୍ୟାପିଟାଲ ଟେରିଟୋରୀ ଅଫ ସରକାର (ସଂଶୋଧନ) ବିଲ’ ପ୍ରଣୟନ ହେବ, ସେତେବେଳେ ବିବାଦୀୟ ନିୟମ ବିରୁଦ୍ଧରେ ଏକ ବୈଧାନିକ ପ୍ରସ୍ତାବ ପାଇଁ ଅନେକ ବିରୋଧୀଦଳର ନେତାଙ୍କ ନୋଟିସ ମଧ୍ୟ ବିଚାର କରାଯିବ।