ନୂଆଦିଲ୍ଳୀ,୨୯।୧: ଦେଶର ରାଜଧାନୀ ଦିଲ୍ଲୀରୁ ଦୁଇ ଖଲିସ୍ତାନୀ ଆତଙ୍କବାଦୀଙ୍କୁ ଦିଲ୍ଲୀ ପୋଲିସ ଗିରଫ କରିଛି। ଉଭୟ ଖାଲିସ୍ତାନୀ ଆତଙ୍କବାଦୀ ସଂଗଠନ ଶିଖ ଫର ଜଷ୍ଟିସ (ଏସ୍ଏଫ୍ଜେ)ର ସଦସ୍ୟ ବୋଲି କୁହାଯାଉଛି। ସାଧାରଣତନ୍ତ୍ର ଦିବସ ପୂର୍ବରୁ ସେମାନେ ଦିଲ୍ଲୀର ଅନେକ ଅଞ୍ଚଳରେ କାନ୍ଥରେ ଖଲିସ୍ତାନୀ ବାର୍ତ୍ତା ଲେଖିଥିଲେ।
ଏଥିସହିତ ଦେଶର ଗୁପ୍ତଚର ଏଜେନ୍ସିମାନେ ଖଲିସ୍ତାନୀ ସମର୍ଥକଙ୍କ ସକ୍ରିୟ ଥିବା ସୂଚନା ଦେବା ସହ ଏକ ବଡ ଆକ୍ରମଣ ବିଷୟରେ ଚେତାବନୀ ଦେଇଛନ୍ତି। ସେବେଠାରୁ ସମଗ୍ର ଦିଲ୍ଲୀ ପୋଲିସ ସତର୍କ ମୋଡରେ ଅଛି ଏବଂ ପ୍ରତ୍ୟେକ ପଦକ୍ଷେପ ଉପରେ ନଜର ରଖାଯାଉଛି। ସେପଟେ ପୋଲିସ ଦୁଇ ଅଭିଯୁକ୍ତଙ୍କୁ ଗିରଫ ପଚରାଉଚରା କରୁଛି।
ଉଭୟ ଅଭିଯୁକ୍ତ ଦିଲ୍ଲୀର ବାସିନ୍ଦା ବୋଲି କୁହାଯାଉଛି। ସେଥିମଧ୍ୟରୁ ଜଣେ ଶିଖ ସମ୍ପ୍ରଦାୟର ଅଛନ୍ତି। ସୁରକ୍ଷା ଏଜେନ୍ସି ଅନୁଯାୟୀ ଦେଶର ରାଜଧାନୀ ଦିଲ୍ଲୀରେ ଦେଶବିରୋଧୀ କାର୍ଯ୍ୟକଳାପ ପାଇଁ ଉଭୟଙ୍କୁ ଅର୍ଥ ପ୍ରଦାନ କରାଯାଇଥିଲା।