ନୂଆଦିଲ୍ଲୀ,୨୮ା୭: ଦିଲ୍ଲୀର ଦାବ୍ରି ଅଞ୍ଚଳରେ ଜଣେ ୪୦ ବର୍ଷୀୟା ମହିଳାଙ୍କୁ ଘର ସମ୍ମୁଖରେ ଗୁଳିକରି ହତ୍ୟା କରାଯାଇଛି। ରେଣୁ ଗୋୟଲ ନାମ୍ନୀ ମହିଳାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଅନ୍ୟପକ୍ଷେ ଅଭିଯୁକ୍ତ ଆଶିଷ(୨୩) ଘଟଣାସ୍ଥଳରୁ ଫେରାର ହୋଇଯାଇଥିଲେ।
ହେଲେ ପରବର୍ତ୍ତୀ ସମୟରେ ଅଭିଯୁକ୍ତ ଆଶିଷ ଘର ଛାତରେ ଏକ ଦେଶୀ ବନ୍ଧୁକରୁ ନିଜକୁ ଗୁଳିକରି ଆତ୍ମହତ୍ୟା କରିଥିବା ପୋଲିସ କହିଛି। ଖବର ଅନୁଯାୟୀ ଆଶିଷ ଓ ରେଣୁ ଦୁଇବର୍ଷ ହେଲା ଗୋଟିଏ ଜିମ୍କୁ ଯାଉଥିଲେ। ରେଣୁ ଜଣେ ଗୃହିଣୀ ଓ ତାଙ୍କର ସ୍ବାମୀ ଓ ୩ ପିଲା ଅଛନ୍ତି।