ଲକ୍ଷ୍ନୌ, ୧୯ା୧: ଅମୀର ଖାନଙ୍କ ଅଭିନୀତ ଲୋକପ୍ରିୟ ଚଳଚ୍ଚିତ୍ର ‘ଥ୍ରି ଇଡିୟଟ’ ଷ୍ଟାଇଲରେ ଜଣେ ଗର୍ଭବତୀଙ୍କ ପ୍ରସବ କରାଇଛନ୍ତି ଜଣେ ଦିବ୍ୟାଙ୍ଗ ଯୁବକ। ଉପସ୍ଥିତ ବୁଦ୍ଧି ଖଟାଇ ସମ୍ପୂର୍ଣ୍ଣ ସୁରକ୍ଷିତ ଭାବେ ସେ ବିନା କୌଣସି ସ୍ବାସ୍ଥ୍ୟ ଉପକରଣ ବ୍ୟବହାରକରି ମହିଳାଙ୍କ ପ୍ରସବ କରାଇ ଚର୍ଚ୍ଚାକୁ ଆସିଛନ୍ତି। ଶନିବାର ରାତିରେ ମଧ୍ୟପ୍ରଦେଶର ମହିଳା ଜଣକ ଟ୍ରେନ୍ରେ ଘରକୁ ଯାଉଥିଲେ। ଦିଲ୍ଲୀରୁ ଟ୍ରେନ ଛାଡିବା ପରେ ମହିଳାଙ୍କ ପ୍ରସବ ଯନ୍ତ୍ରଣା ଆରମ୍ଭ ହୋଇଯାଇଥିଲା। ସେଠାରେ ଉପସ୍ଥିତ ଦିଲ୍ଲୀର ଜଣେ ଲାବ ଟେକ୍ନିସିଆନ ସୁନୀଲ ପ୍ରଜାପତି ଟିଟିଇଙ୍କୁ କହି ଫାଷ୍ଟଏଡ୍ ବକ୍ସ ମଗାଇଥିଲେ। ପରେ ଜଣେ ଡାକ୍ତରଙ୍କୁ ଭିଡିଓ କଲ କରିଥିଲେ। ଚାଦର, ସିଲେଇ ସୂତା, ଯାତ୍ରୀଙ୍କ ସେଭିଂ କିଟ୍ରୁ ବ୍ଲେଡ ବ୍ୟବହାର ସହ ଡାକ୍ତରଙ୍କ କହିବା ମୁତାବକ ସୁନୀଲ କାମ କରିଥିଲେ। ମହିଳା ଜଣକ ଟ୍ରେନ୍ରେ ହିଁ ପ୍ରସବ କରିଥିଲେ। ପରେ ନବଜାତକଙ୍କ ସହ ପ୍ରସୂତିଙ୍କୁ ମଥୁରାର ଏକ ହସ୍ପିଟାଲକୁ ନିଆଯାଇଥିଲା।
