ସୋସିଆଲ ମିଡିଆରେ କେତେବେଳେ କ’ଣ ଭାଇରାଲ ହେଉଛି ତାହା କହିହେବ ନାହିଁ। ଏବେ ଏମିତି ଏକ ଭିଡିଓ ଖୁବ୍ ତୀବ୍ର ବେଗରେ ଭାଇରାଲ ହେଉଛି। ଚାଇନାର ଲି ୟୁଆନୁଆନ୍ ନାମକ ଜଣେ ଡେଲିଭରି ବୟ ତାଙ୍କ ଛୋଟ ଝିଅକୁ ସ୍କୁଟି ଭିତରେ ନେଇ ସହର ସାରା ବୁଲି ସାମଗ୍ରୀ ଡେଲିଭରି କରୁଛନ୍ତି। କାରଣ ତାଙ୍କ ଝିଅ ତାଙ୍କ ବିନା ରହି ପାରିବ ନାହିଁ। ତେଣୁ ତାଙ୍କ ଝିଅକୁ ଯେତେବେଳେ ୬ ମାସ ହୋଇଥିଲା ସେ ସେବେଠାରୁ ଏମିତି କରୁଛନ୍ତି।
ଝିଅର ପିତା ହେବା ପରେ ସେ ତାଙ୍କୁ ସାଙ୍ଗରେ ନେଇ କାମ କରିବାକୁ ଲାଗିଲେ। ୟୁଆନୁଆନ୍ ଏବଂ ତାଙ୍କ ସ୍ତ୍ରୀ ସ୍କୁଟିର ବକ୍ସ ଭିତରେ ଝିଅ ପାଇଁ କ୍ଷୀର ବୋତଲ ରଖିଥାନ୍ତି। ଫଳରେ ଝିଅକୁ ଭୋକ ଲାଗିଲେ ଖାଇଥାଏ।
ସେ କୁହନ୍ତି, ତାଙ୍କ ଝିଅ ଖୁସିରେ ଏହି ବକ୍ସ ଭିତରେ ଦିନେ ବସିଗଲା। ଆଉ ଡାକିଲେ ବାହାରିଲାନି। ସେହିଦିନଠାରୁ ଝିଅକୁ ଖୁସି କରିବାକୁ ୟୁଆନୁଆନ୍ ତାଙ୍କୁ ପ୍ରତିଦିନ ଏହି ବାକ୍ସରେ ପୂରାଇ ସହର ସାରା ବୁଲି ସାମଗ୍ରୀ ଡେଲିଭରି କରିଥାନ୍ତି।
