ମାର୍ଶାଘାଇ,୨୦ା୫(ଡି.ଏନ.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ଅନ୍ତର୍ଗତ ରାଘବପୁର ପଞ୍ଚାୟତର ନରସିଂହପୁର ଗାଁ ନିକଟରେ ପ୍ରବାହିତ ଚିତ୍ରୋତ୍ପଳା ନଦୀ କୂଳ ଖାଇବାରେ ଲାଗିଛି। ଏଥିଯୋଗୁ ଗ୍ରାମବାସୀ ଆତଙ୍କିତ ହୋଇପଡିଛନ୍ତି। ବର୍ଷାଦିନେ ଚିତ୍ରୋତ୍ପଳା ନଦୀରେ ବନ୍ୟା ଜଳ ଆସିଲେ କୂଳ ଖାଇ ବଡ ବଡ ଅତଡ଼ା ଖସୁଛି। ଫଳରେ ଗାଁଲୋକଙ୍କ ଉର୍ବର ଚାଷ ଜମି ନଦୀ ଗର୍ଭରେ ଲୀନ ହୋଇଗଲାଣି। ଅତଡା ଖାଇବା ଦ୍ୱାରା ବନ୍ୟା ନିୟନ୍ତ୍ରଣ ବନ୍ଧ ନିକଟକୁ ମାଡି ଆସିଲାଣିି। ଆଗକୁ ବର୍ଷାଦିନ ଆସୁଥିବାରୁ ନଦୀରେ ଜଳପତ୍ତନ ବୃଦ୍ଧି ପାଇଲେ ବନ୍ଧ ଭାଙ୍ଗି ଯିବାର ଆଶଙ୍କା ପ୍ରକାଶ ପାଇଛି। ଫଳରେ ଗ୍ରାମବାସୀ ଆତଙ୍କିତ ଅବସ୍ଥାରେ କଳାତିପାତ କରୁଛନ୍ତି। ତୁରନ୍ତ ନଦୀକୂଳରେ ଅତଡା ଖାଉଥିବା ସ୍ଥାନରେ ଜଳସମ୍ପଦ ବିଭାଗ ପକ୍ଷରୁ ପଥର ପ୍ୟାକିଂ କରିବାକୁ ଗାଁର ପ୍ରଶାନ୍ତ ପରିଡା, ଖଗେଶ୍ୱର ସାହୁ, ଧର୍ମପଦ ପରିଡା, ସରୋଜକାନ୍ତ ମଲ୍ଲିକ. ପୂର୍ବତନ ସରପଞ୍ଚ ନୀଳକଣ୍ଠ ବେହେରା ପ୍ରମୁଖ ଦାବି କରିଛନ୍ତି।
