ବଡବିଲ, ୨୭।୭(ସ୍ବ.ପ୍ର.):କେନ୍ଦୁଝର ଜିଲା ବଡବିଲଠାରେ ସିପିଆଇ(ଏମ) ପକ୍ଷରୁ ଦୁଗ୍ଧ ଏବଂ ଖାଦ୍ୟଶସ୍ୟ ଜାତୀୟ ସାମଗ୍ରୀ ଉପରୁ ଜିଏସଟି ପ୍ରତ୍ୟାହାର ନେଇ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ବଡବିଲସ୍ଥିତ ସିଟି ଓ ଜିଏସଟି( କମର୍ସିଆଲ ଟ୍ୟାକ୍ସ ଓ ଗୁଡ୍ସ ସର୍ଭିସ ଟ୍ୟାକ୍ସ) ଯୁଗ୍ମ ଆୟୋଗ ଏବଂ ମାଟକାମବେଡାସ୍ଥିତ ଜିଏସଟି ଓ ସେଣ୍ଟ୍ରାଲ ଏକ୍ସାଇଜ ସୁପରିଟେଣ୍ଡେଣ୍ଟ ରେଞ୍ଜ-୧ଙ୍କ ଜରିଆରେ ଦାବିପତ୍ର ପ୍ରଦାନ କରାଯାଇଛି। ସିପିଆଇଏମ ଜିଲା କମିଟି ସମ୍ପାଦକ ଇନ୍ଦ୍ରମଣି ବେହେରାଙ୍କ ନେତୃତ୍ୱରେ ଏକ ଶୋଭାଯାତ୍ରା ଉଭୟ କାର୍ଯ୍ୟାଳୟରେ ପହଞ୍ଚି ଏହି ଦାବିପତ୍ର ଦିଆଯାଇଥିଲା।