ଗଞ୍ଜାମ,୮।୧୧(ଡି.ଏନ୍.ଏ.): ଓଡିଶା ଡ୍ରାଇଭର ମହାସଂଘର ଆହ୍ବାନ କ୍ରମେ ଗଞ୍ଜାମ ଶାଖା ଡ୍ରାଇଭର ମହାସଂଘ ପକ୍ଷରୁ ବିଭିନ୍ନ ଦାବି ନେଇ ଥାନା ଅଧିକାରୀଙ୍କୁ ମଙ୍ଗଳବାର ଭେଟିଛନ୍ତି। ଏହି ସମୟରେ ମହାସଂଘ ପକ୍ଷରୁ ଥାନା ଅଧିକାରୀ ସନ୍ତୋଷ କୁମାର ବେହେରାଙ୍କୁ ୯ଦଫା ସମ୍ବଳିତ ଏକ ଦାବି ପତ୍ର ପ୍ରଦାନ କରାଯାଇଥିଲା। ଏଥିରେ ଦୁର୍ଘଟଣାରେ ପ୍ରାଣ ହରାଇଥିବା ଡ୍ରାଇଭରଙ୍କ ପରିବାରକୁ ୨୦ଲକ୍ଷ ଏବଂ ଅକର୍ମଣ୍ୟଙ୍କୁ ୧୦ଲକ୍ଷ, ଦୁର୍ଘଟଣାରେ ଆହତଙ୍କ ଚିକିତ୍ସା ପାଇଁ ୫ଲକ୍ଷ, ୫୫ବର୍ଷ ପରେ ପେନସନ ବ୍ୟବସ୍ଥା, ଡ୍ରାଇଭରଙ୍କ ସାମାଜିକ ସୁରକ୍ଷା, ସ୍ବତନ୍ତ୍ର ଆଇନ, ପାର୍କିଂ, ବିଶ୍ରାମଗାର ନିର୍ମାଣ, ଶୌଚାଳୟ ଏବଂ ଡ୍ରାଇଭରଙ୍କୁ ଆବାସ ଯୋଜନାରେ ଅନ୍ତର୍ଭୁକ୍ତ କରିବାକୁ ଉଲ୍ଲେଖ ରହିଛି। ଏଥିସହ ଡ୍ରାଇଭରଙ୍କ ପିଲାମାନେ ପାଠ ପଢିବା ଲାଗି ଉଚ୍ଚ ଶିକ୍ଷାର ବ୍ୟବସ୍ଥା, ଲାଇସେନ୍ସ ଫିସ୍ ୧୫ହଜାର ଟଙ୍କା ବାଧ୍ୟତାମୂଳକକୁ ହଟାଇବା ଇତ୍ୟାଦି ଦାବି ପତ୍ରରେ ଉଲେଖ ରହିଛି। ଦାବୀ ପତ୍ର ଦେବା ବେଳେ ଗଞ୍ଜାମ ଶାଖା ସଭାପତି ନରେନ୍ଦ୍ର ଚଣ୍ଡ, ଉପସଭାପତି ଧରଣୀ ଧର ସାହୁ ସମ୍ପାଦକ ବବୁଲ ସାହୁ, କୋଷାଧକ୍ଷ ପ୍ରସନ୍ନ କୁମାର ଛଟେଇଙ୍କ ସମେତ ଶତାଧିକ ଡ୍ରାଇଭର ଉପସ୍ଥିତ ଥିଲେ।
