ଦାରିଙ୍ଗବାଡ଼ି,୧୧ା୧୨(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ଅଞ୍ଚଳରେ ଗତ କିଛିଦିନ ହେଲା ଗଞ୍ଜେଇ ଗଛ କଟାଯାଉଛି। ଏଥିରେ ଦାରିଙ୍ଗବାଡ଼ି ପୋଲିସ, ଅବକାରୀ ବିଭାଗର ମିଳିତ ଚଢ଼ାଉରେ ଗଞ୍ଜେଇ ଗଛ କଟାଚାଲିଛି। ଏକ ସପ୍ତାହ ମଧ୍ୟରେ ୩୪୫ ଏକର ଜମିରେ କରାଯାଉଥିବା ଗଞ୍ଜେଇ ଗଛ କଟା ସରିଛି। ଗଞ୍ଜେଇ ଗଛ ଲାଗିଥିବା ଅଞ୍ଚଳରୁ ଇନ୍ଫର୍ମରଙ୍କ ଜରିଆରେ ତଥ୍ୟ ସଂଗ୍ରହ କରି କଟାଯାଉଥିବା ବେଳେ ଏହି ଚାଷ କରୁଥିବା ଲୋକଙ୍କୁ ଗଛ ନ କାଟି ଛାଡ଼ି ଦିଆଯିବ। ଶୀଘ୍ର ଆସି ବଡ଼ ସାରଙ୍କୁ ଭେଟିବା ସହ ଉତ୍କୋଚ ଦେବାକୁ ଦାବି କରାଯାଇଛି। ଫୁଲବାଣୀରୁ ଗଞ୍ଜେଇ ଗଛ କଟାଯିବାକୁ ଅଧିକ ପୋଲିସ ଫୋର୍ସ ଆସୁଛନ୍ତି। ତାହା ପୂର୍ବରୁ ଯଦି ତୁମ ଗଞ୍ଜେଇ ଗଛ ବଞ୍ଚେଇବାକୁ ଚାହୁଁଛ ଶୀଘ୍ର ଆସିକି ଦେଖାକର ବୋଲି କହିବା ସହ ମଝିରେ ମଝିରେ ଗଞ୍ଜେଇ ଚାଷୀଙ୍କୁ ଧମକ ଓ ଗାଳି ମଧ୍ୟ କରାଯାଉଥିବା ଉକ୍ତ ଅଡିଓରେ ଶୁଣିବାକୁ ମିଳୁଛି। ଯିଏ ଆସିକି ବଡ଼ ସାର୍ଙ୍କୁ ଭେଟି ଉତ୍କୋଚ ଦେବ। ତାର ଗଛ ଛାଡ଼ି ଅନ୍ୟମାନଙ୍କ ଗଛ କଟାଯିବ ବୋଲି କୁହାଯାଉଛି। ଏଥିରେ ଗଞ୍ଜେଇ ଚାଷୀ ଜଣଙ୍କ ନେହୁରା ହେଉଛନ୍ତି ଆଉ ସନ୍ଧ୍ୟାରେ ଥାନାରେ ପହଞ୍ଚିବାକୁ ନିବେଦନ କରିବା ସହ ଟିକେ ଫୋନ୍ ରିସିଭ କରିବା ସହ ବଡ଼ ସାରଙ୍କ ସହ ଭେଟେଇ ଦେବାକୁ ନିବେଦନ ମଧ୍ୟ କରାଯାଉଛି। ତେବେ ଚାଷୀ ଜଣଙ୍କ କିଛି ସ୍ବଳ୍ପ ଅର୍ଥ ଅନ୍ୟ ଚାଷୀଙ୍କଠାରୁ ଆଦାୟ କରି ଦେବୁ କହିଲେ ଫୋନ୍ରେ ଉତ୍କୋଚ ମାଗୁଥିବା ବ୍ୟକ୍ତି ଜଣଙ୍କ ବଡ଼ ସାରଙ୍କୁ ଅଧିକା ଅର୍ଥ ଦେବାକୁ ସେ ଦାବି କରିଛନ୍ତି। ଏହା ଥାନାର ଜଣେ ହୋମଗାର୍ଡର ସ୍ବର ବୋଲି ଚର୍ଚ୍ଚା ହେଉଥିବା ବେଳେ ଏ ସମ୍ପର୍କରେ ଆଇଆଇଆସି ଅଶୋକ କୁମାର ହାଁସଦାଙ୍କୁ ପଚାରିବାରୁ ସେ ଏହା କେହି ଜଣେ ପୂର୍ବ ହୋମଗାର୍ଡ ଏଭଳି ପୋଲିସକୁ ବଦନାମ କରିବାକୁ ଚକ୍ରାନ୍ତ ଚଳାଇଥାଇ ପାରନ୍ତି ବୋଲି କହିବା ସହ ଏବେକାର ହୋମଗାର୍ଡ ଏବଂ ଥାନାର ଅଧିକାରୀଙ୍କୁ ହଇରାଣ କରିବାକୁ ଏଭକି ଚକ୍ରାନ୍ତ କରିଥିବା ସେ କହିଛନ୍ତି। ଏହାର ସେ ତଦନ୍ତ ପ୍ରଶ୍ନ ରେ ସେ କହିଛନ୍ତି ଯେ, ଏହା ଉଚ୍ଚ କର୍ତ୍ତୃପକ୍ଷ ତଦନ୍ତ କରିବେ ବୋଲି କହିଛନ୍ତି।
